5 સેન્ચુરી છતાં ટીમ ઈન્ડિયા હારી: ખરાબ ફિલ્ડિંગ ભારતને ભારે પડી, ઇંગ્લેન્ડ 5 વિકેટથી જીત્યું

ખાસ-ખબર ન્યૂઝ નવી દિલ્હી

ભારતીય ટીમનો તેંડુલકર-એન્ડરસન ટ્રોફીની પહેલી ટેસ્ટમાં ઇંગ્લેન્ડ સામે 5 વિકેટથી પરાજય થયો છે. આ સાથે, ટીમ 5 મેચની સિરીઝમાં 0-1 થી પાછળ પડી ગઈ છે. સિરીઝની બીજી મેચ 2 જુલાઈથી બર્મિંગહામમાં રમાશે.

મંગળવારે લીડ્સના હેડિંગ્લે ક્રિકેટ સ્ટેડિયમ ખાતે મેચના છેલ્લા દિવસે, ઇંગ્લેન્ડને 350 રન બનાવવાના હતા, જે ટીમે 5 વિકેટ ગુમાવીને ચેઝ કર્યા. બેન ડકેટે 149 અને જેક ક્રોલીએ 65 રન બનાવ્યા. બેન સ્ટોક્સે 33 રન બનાવ્યા. ભારત તરફથી શાર્દૂલ ઠાકુર અને પ્રસિદ્ધ ક્રિષ્નાએ બે-બે વિકેટ લીધી.

ભારતે ઇંગ્લેન્ડ ટીમને 371 રનનો ટાર્ગેટ આપ્યો હતો. ઇંગ્લેન્ડ પહેલી ઇનિંગમાં 465 અને ભારત 471 રનમાં ઓલઆઉટ થઈ ગયું હતું. ભારતને પ્રથમ ઇનિંગમાં 6 રનની લીડ મળી હતી. મેચમાં ભારતીય ટીમે 9 કેચ છોડ્યા હતા. ટીમે પ્રથમ ઇનિંગમાં 6 અને બીજી ઇનિંગમાં 3 કેચ છોડ્યા હતા.ભારતે તેંડુલકર-એન્ડરસન ટ્રોફીની પહેલી ટેસ્ટ ઇંગ્લેન્ડ સામે 5 વિકેટથી હારી ગઈ છે. જેમી સ્મિથે 82મી ઓવર ફેંકી રહેલા રવીન્દ્ર જાડેજાએ ફેંકેલી ઓવરમાં 18 રન લીધા. તેણે છેલ્લા બોલ પર સિક્સર ફટકારીને 5 વિકેટથી પોતાની ટીમને જીત અપાવી.

ઇંગ્લેન્ડે લીડ્સ ખાતેની બીજી ઇનિંગમાં 350 રનનો આંકડો પાર કર્યો છે. જો રૂટે ફિફ્ટી ફટકારી છે. જેમી સ્મિથ તેને સપોર્ટ આપી રહ્યો છે.
ઇંગ્લેન્ડે 68મી ઓવરમાં પોતાની પાંચમી વિકેટ ગુમાવી. અહીં બેન સ્ટોક્સ 33 રન બનાવીને આઉટ થયો. રવીન્દ્ર જાડેજાએ તેને કેપ્ટન શુભમન ગિલના હાથે કેચ કરાવ્યો.ઇંગ્લેન્ડે બીજી ઇનિંગમાં 300 રનનો આંકડો પાર કર્યો છે. બેન સ્ટોક્સ અને જો રૂટની જોડી ક્રિઝ પર છે.62મી ઓવરમાં, ભારતીય ટીમે છેલ્લો રિવ્યૂ પણ ગુમાવ્યો છે. જાડેજાના ઓવરનો બીજો બોલ રૂટના પેડ પર વાગ્યો. ભારતીય ખેલાડીઓએ અપીલ કરી, પરંતુ ફિલ્ડ અમ્પાયરે તેને નકારી કાઢી. આવી સ્થિતિમાં, ભારતીય કેપ્ટને રિવ્યૂ માંગ્યો. રિપ્લે જોતાં ખબર પડી કે બોલનો ઉછાળો સ્ટમ્પ કરતાં વધુ હતો.