ગ્રામ્ય વિસ્તારના વિદ્યાર્થીઓને માર્ગદર્શન કેમ્પમાં ઉત્સાહપૂર્વક જોડાયા
ખાસ-ખબર સંવાદદાતા
જૂનાગઢ ગ્રામ્ય વિસ્તારના ધોરણ 9થી 12ના વિદ્યાર્થીઓને યોગ્ય કારકિર્દી અંગે માર્ગદર્શન મળી રહે એ માટે જૂનાગઢ જિલ્લાના આઠ તાલુકાઓમાં કારકિર્દી માર્ગદર્શન કેમ્પ યોજાયો હતો. શાળા કક્ષાએથી જ વિદ્યાર્થીઓને યોગ્ય અભ્યાસક્રમ અંગે માર્ગદર્શન મળી રહે અને વિદ્યાર્થીઓની કારકિર્દી ઘડી શકે એ હેતુથી તાલુકા કક્ષાએ કારકિર્દી માર્ગદર્શન કેમ્પ યોજાયો હતો. જેમાં તારીખ 1/6/2022 થી તા.3/6/2022 દરમિયાન વંથલી, માણાવદર, કેશોદ, વિસાવદર, માળિયા,ભેંસાણ,મેંદરડા, માંગરોળ ખાતે શિક્ષણ વિભાગ દ્વારા કેમ્પનું આયોજન હાથ ધરાયું હતું. જેમાં વિવિધ વિભાગના તજજ્ઞો એ માર્ગદર્શન આપ્યું હતું. અને વિદ્યાર્થીઓને મૂંઝવતા પ્રશ્નો દૂર કર્યા હતા.આ માર્ગદર્શન કેમ્પમાં મોટી સંખ્યામાં વિદ્યાર્થીઓએ ભાગ લીધો હતો.
