આ તારીખે સોનાક્ષી અને ઝહીર ઇકબાલ લગ્નના બંધનમાં બંધાશે

એક જાણીતા મીડિયાના અહેવાલ મુજબ, સોનાક્ષી અને ઝહીર 23 જૂને તેમના મિત્રો અને પરિવારના સભ્યોની હાજરીમાં લગ્નના બંધનમાં બંધાવા જઈ રહ્યા છે, અહેવાલો અનુસાર, લગ્ન મુંબઈમાં થશે

સોનાક્ષી સિન્હા અને ઝહીર ઇકબાલ ઘણા સમયથી એકબીજાને ડેટ કરી રહ્યા છે. બંનેના લગ્નને લઈને ઘણા સમયથી ચર્ચા ચાલી રહી હતી. હવે આ કપલની લગ્નની તારીખો જાહેર કરવામાં આવી છે. અહેવાલો અનુસાર, આ દંપતી આ મહિને લગ્નના બંધનમાં બંધાઈ જશે. સોનાક્ષી સિન્હાના માતા-પિતા શત્રુઘ્ન સિન્હા અને પૂનમ સિન્હા તેમની દીકરીના લગ્નને લઈને ખૂબ જ ઉત્સાહિત છે.

23 જૂને મિત્રો અને પરિવારના સભ્યોની હાજરીમાં લગ્નના બંધનમાં બંધાશેઃ સુત્ર

એક જાણીતા મીડિયાના અહેવાલ મુજબ, સોનાક્ષી અને ઝહીર 23 જૂને તેમના મિત્રો અને પરિવારના સભ્યોની હાજરીમાં લગ્નના બંધનમાં બંધાવા જઈ રહ્યા છે. અહેવાલમાં એવો પણ દાવો કરવામાં આવ્યો છે કે આ દંપતીએ ડેસ્ટિનેશન મેરેજમાં જવાને બદલે મુંબઈમાં લગ્ન કરવાનું નક્કી કર્યું છે. અહેવાલો અનુસાર, લગ્ન મુંબઈમાં થશે. જોકે, લગ્નમાં દંપતીના નજીકના મિત્રો અને પરિવારના સભ્યોને જ આમંત્રણ આપવામાં આવશે. જો કે, લગ્ન પછી, આ દંપતી એક રિસેપ્શન પાર્ટીનું આયોજન કરશે, જેમાં બોલિવૂડ સ્ટાર્સ હાજરી આપશે.

છેલ્લા 4-5 વર્ષથી એકબીજાને ડેટ કરી રહ્યા છે

તમને જણાવી દઈએ કે સોનાક્ષી, ઝહીર અને તેમના પરિવારે હજુ સુધી આ અહેવાલનો જવાબ આપ્યો નથી. સોનાક્ષી અને ઝહીર છેલ્લા 4-5 વર્ષથી એકબીજાને ડેટ કરી રહ્યા છે. જોકે બંને ઘણીવાર સાથે પાર્ટી કરતા જોવા મળે છે, પરંતુ તેઓએ ક્યારેય જાહેરમાં તેમના સંબંધનો સ્વીકાર કર્યો નથી. બંનેએ હંમેશા કહ્યું છે કે તેઓ માત્ર સારા મિત્રો છે

બન્નેને નજીક લાવવામાં સલમાન ખાનની મહત્વપૂર્ણ ભૂમિકા

તમને જણાવી દઈએ કે સલમાન ખાને વર્ષ 2019 માં ફિલ્મ નોટબુક દ્વારા ઝહીરને ફિલ્મ ઉદ્યોગમાં લોન્ચ કર્યો હતો.. આ ફિલ્મમાં ઝહીર ઇકબાલ અને પ્રનૂતન બહલ મુખ્ય ભૂમિકામાં હતા. સોનાક્ષી સિન્હાએ 2010 માં સલમાન ખાનની ફિલ્મ દબંગથી બોલિવૂડમાં પ્રવેશ કર્યો હતો. એવું કહેવામાં આવે છે કે ઝહીર અને સોનાક્ષીને એકબીજાની નજીક લાવવામાં સલમાન ખાનનું ઘણું યોગદાન છે. બંને સલમાનની ખૂબ નજીક છે. કહેવાય છે કે બંનેની પહેલી મુલાકાત સલમાન ખાનના કારણે થઈ હતી.