બોલિવૂડ એક્ટર આર માધવને જ્યાં પોતાની ફિલ્મ Rocketry: The Nambi Effect બનાવીને દેશને ખુશ કરી દીધો છે. ત્યારે તેમનો પુત્ર દરરોજ નવો રેકોર્ડ બનાવીને દેશનું ગૌરવ વધારી રહ્યો છે.
- Advertisement -
મનોરંજનની દુનિયામાં મોટાભાગના સ્ટાર્સના બાળકો અભિનય ક્ષેત્રમાં પોતાની કિસ્મત અજમાવતા હોય છે. તે બાળપણથી જ વિચારે છે કે તે અભિનેતા કે અભિનેત્રી બનવા માંગે છે. જ્યારે ઘણા સ્ટાર કિડ્સ ઇન્ડસ્ટ્રી સાથે જોડાયેલા અન્ય કામોમાં સામેલ થાય છે.
ત્યારે અભિનેતા આર માધવનના પુત્રની વાત કંઈક અલગ જ છે. જી હા, તેમના પુત્ર વેદાંતે ઇન્ડસ્ટ્રીથી થોડું જ નહીં પણ ઘણું અંતર જાળવી રાખ્યું છે. તે સ્વિમિંગમાં કારકિર્દી બનાવી રહ્યો છે અને દેશની સાથે પિતાનું નામ પણ રોશન કરી રહ્યો છે. અભિનેતાના પુત્રએ સ્વિમિંગમાં વધુ એક રેકોર્ડ પોતાના નામે કર્યો છે.
- Advertisement -
વેદાંતે તોડ્યો નેશનલ રેકોર્ડ
આર માધવન આજે ખૂબ જ ખુશ છે અને તેનું કારણ તેનો પુત્ર છે. જે ઉંમરે સ્ટારના બાકીના બાળકો દુનિયા ફરી રહ્યા છે અને પોતાના શોખ પૂરા કરી રહ્યા છે, જ્યારે અભિનેતાનો પુત્ર દરરોજ નવા રેકોર્ડ બનાવીને દેશનું ગૌરવ વધારી રહ્યો છે. હાલમાં જ આર માધવને તેના પુત્રનો એક વીડિયો સોશિયલ મીડિયા પર શેર કર્યો છે.
Never say never . 🙏🙏🙏❤️❤️🤗🤗 National Junior Record for 1500m freestyle broken. ❤️❤️🙏🙏@VedaantMadhavan pic.twitter.com/Vx6R2PDfwc
— Ranganathan Madhavan (@ActorMadhavan) July 17, 2022
આર માધવને શેર કર્યો વીડિયો
વીડિયોમાં વેદાંત સ્વિમિંગ કરતો જોવા મળી રહ્યો છે. વિડિયોમાં તમે સાંભળી શકો છો જ્યારે કમેન્ટેટક કહે છે – 16 મિનિટ થઈ ગઈ છે. તેણે અદ્વૈત પેજનું 780 મીટર રેકોર્ડ તોડી દીધો છે. પોસ્ટમાં પુત્રને ટેગ કરતાં તેણે લખ્યું- ‘ક્યારેય ના ન કહેશો. 1500 મી. ફ્રી સ્ટાઇલ નેશનલ જુનિયર રેકોર્ડ તોડ્યો.
ફેન્સે આપી શુભકામનાઓ
આર માધવનની આ પોસ્ટ સોશિયલ મીડિયા પર ખૂબ વાયરલ થઈ રહી છે. દરેક અભિનેતાના પુત્રની ખૂબ પ્રશંસા થઈ રહ્યા છે. સાથે જ અભિનંદનની વર્ષા પણ થઈ રહી છે. અભિનેતાની પોસ્ટ દ્વારા ફેન્સ વેદાંતને સતત અભિનંદન આપી રહ્યા છે. એક ફેને લખ્યું- ‘વેદાંતને અભિનંદન. પરિવાર માટે સેલિબ્રેશનનો પ્રસંગ. ત્યાં જ અન્ય એક ફેને લખ્યું – ‘તમારા જેવા માતા-પિતા બધાને મળે.’
