બંધ પરબિડીયાંમાંનો એ પત્ર ભારતીય સૈન્યના લેફટનન્ટ રામે લખ્યો છે પણ એ પાકિસ્તાનની આર્મી ઓફિસર દાદા પાસે કેવી રીતે આવ્યો ? આ સીતા મહાલક્ષ્મી કોણ છે ? વીસ વરસ પછી એ ક્યાં છે અને વીસ વરસ સુધી આ પત્ર કેમ તેના સુધી પહોંચાડવામાં આવ્યો નથી ? એ લખનાર લેફટનન્ટ રામ કોણ છે ?
કાશ્મીરમાં ભારતીય સૈન્ય માટેનો ધિક્કાર-ગુસ્સો જાણીતા છે પણ તેના અંકુર કેવી રીતે ફૂટયાં, એ ખબર છે ? સાઈઠના દશકામાં આજની જેવા ઓળખ માટેના આઈકાર્ડ નહોતાં ત્યારે બોર્ડર પારના જિહાદગુરૂઓ ટીનએજ બચ્ચાંઓને ક્રમશ: કાશ્મીરમાં ઘુસાડી દેતા હતા. નવલોહિયા યુવાનોની હાજરી શંકા જન્માવતી નહીં અને છ-આઠ મહિના પછી તેઓ કાશ્મીરી હોવાનું રાશનકાર્ડ મેળવી લેતા. એ વખતે આ બધું અતિ આસાન હતું. કોઈ નક્કર ડાટા નહોતો અને હોય તો એ સરળતાથી ઉપલબ્ધ નહોતો થતો. પાકિસ્તાનથી ઘૂસીને ઓફિશ્યિલ કાશ્મીરી બનીને રહેવા લાગેલા આ જિહાદી-યુવાનોની ઘૂસણખોરીની માહિતી પછી ફોટોગ્રાફ જેવા આધાર-પુરાવા સાથે ભારતીય સૈન્યને પહોંચાડવામાં આવતી. આ ગુપ્ત માહિતી પર ભારતીય સૈન્ય એકશનમાં આવે ત્યારે ઘૂસણખોરી કરી ચૂકેલાં યુવાનો તેમનાથી બચવા ભાગે અને એન્કાઉન્ટર યા ભાગ-પકડ દરમિયાન ભારતીય સૈન્યની ગોળીનો ભોગ બને એટલે મૂળ કાશ્મીરીઓને એવું જ લાગે કે સૈન્યએ અત્યાચાર ર્ક્યો. માસુમોને વિંધિ નાંખ્યા. ગુસ્સો આક્રોશમાં પલટે અને પછી નફરતમાં પરિવર્તીત થાય અને એ આજની પરિસ્થિતિનું શ્ય-હાલાત સર્જી ગયા.
આ વાતનું રિયલાઈઝેશન તમે તેલુગુ અને વિવિધ ભાષામાં બનેલી સીતા રામમ ફિલ્મ જૂઓ, એ સાથે જ થાય છે પણ આ તો શરૂઆત છે. એ પછી ફિલ્મ રહસ્ય-સસ્પેન્સના એક મજબુત તાંતણાં સાથે આરંભાઈ છે. લંડનમાં ભણતી પાકિસ્તાની યુવતી આફરિન (રશ્મિકા મંદાના) વિશિષ્ઠ સિચ્યુએશનમાં દશ લાખ લેવા માટે પાકિસ્તાન પોતાના આર્મી ઓફિસર – દાદા (સચિન ખેડેકર) પાસે આવે છે પણ દાદા હવે હયાત નથી અને આફરિનને તેમની પ્રોપર્ટી તો જ મળી શકે તેમ છે, જો એ દાદાજીએ સાચવી રાખેલો એક સરનામા વગરનો પત્ર સીતા મહાલક્ષ્મી નામની વ્યક્તિને પહોંચાડે… 1964માં લખાયેલા એ પત્રને વીસ વર્ષ પછી, 1984માં નિશ્ચિત વ્યક્તિ સુધી પહોંચાડવાનું અટપટુ કામ આફરિનની જવાબદારી બને છે પણ…
બંધ પરબિડીયાંમાંનો એ પત્ર ભારતીય સૈન્યના લેફટનન્ટ રામે લખ્યો છે પણ એ પાકિસ્તાનની આર્મી ઓફિસર દાદા પાસે કેવી રીતે આવ્યો ? આ સીતા મહાલક્ષ્મી કોણ છે ? વીસ વરસ પછી એ ક્યાં છે અને વીસ વરસ સુધી આ પત્ર કેમ તેના સુધી પહોંચાડવામાં આવ્યો નથી ? એ લખનાર લેફટનન્ટ રામ કોણ છે ? ભારતીય સૈન્યમાં હોવા છતાં એ ભારતમાં જ રહેતી સીતાને પત્ર કેમ પહોંચાડી શક્યો નથી અને…
ભારત આવીને આફરિન વીસ વરસ જૂના આ પત્ર અને તેની પાછળની સચ્ચાઈ પર બાઝેલી ધૂળ ખંખેરે છે ત્યારે એવી વાતો ઉઘડતી જાય છે કે લવસ્ટોરીઓ જોવાનો તમારો અણગમો અજાણતાં જ ઓગળી જાય છે. સીતા રામમ એટલી મજેદાર (કંઈક અંશે જિજ્ઞાસા વધારતી થ્રિલર જેવી) લવસ્ટોરી છે.
- Advertisement -
તમે તૃપ્ત થઈને ફિલ્મ પૂરી કરો છો ત્યાં સુધીમાં તમારા દિમાગમાં દિલ સે અને વીરઝારા ની આછી પાતળી યાદ ઉપસી આવે છે પણ ખરેખર માનીએ, સીતા રામમ આ બન્ને સુપરહિટ ફિલ્મો કરતાં જરા ય ઉતરતી નથી
તમે એ જોવાનું શરૂ કરો છો ત્યારે ડગલેને પગલે જાગતી ઈંતેજારી તમને અઢી કલાક લાંબી ફિલ્મના અંત સુધી ખેંચી જાય છે. તમે તૃપ્ત થઈને ફિલ્મ પૂરી કરો છો ત્યાં સુધીમાં તમારા દિમાગમાં દિલ સે અને વીરઝારા ની આછી પાતળી યાદ ઉપસી આવે છે પણ યકિન માનીએ, સીતા રામમ આ બન્ને સુપરહિટ ફિલ્મો કરતાં જરા ય ઉતરતી નથી અને તન વેગળી પણ છે. એમ પણ કહેવાય છે કે સીતા રામમ સત્ય ઘટના પર આધારિત છે પણ એ સત્ય ઘટના બારામાં અમે લખીશું નહિ કારણકે, તેનાથી રસક્ષ્ાતિ થઈ શકે છે. થિયેટરમાં રિલીઝ થયા પછી તેણે ખાસ્સો એવો બિઝનેસ ર્ક્યો હતો અને પ્રશંસા પણ મેળવી હતી. હવે આ મૂળ તેલુગુ ફિલ્મ ડિઝની-હોટસ્ટાર પ્લેટફોર્મ પર હિન્દી સહિતની અનેક ભાષામાં ઉપલબ્ધ છે. હનુ રાધવાપુડી દિગ્દર્શિત સીતા રામમ ના લેખનમાં અન્ય ચાર લેખકો પણ સંકળાયા છે પરંતુ તેમણે ભેદભરમના વરખ ચડાવેલી, સરસ મજાની મ્યુઝિકલ લવસ્ટોરી પડદા પર જીવંત કરી છે.
ભારતીય સૈન્યના લેફટનન્ટ રામ તરીકે દલકેર સલમાનની ક્યૂટનેશ અને સીતા મહાલક્ષ્મી તરીકે મૃણાલ ઠાકુરનું રહસ્યમય કિરદાર સરસ રીતે ઉપસ્યું છે. સીતા રામમ ની સફળતા પાછળ નક્કર વાર્તા, સ્ક્રીપ્ટ તો જવાબદાર છે જ,પરંતુ એ ભારતભરમાં વખણાઈ અને જોવાઈ એ માટે તેની સ્ટારકાસ્ટ પર એક નજર નાખવા જેવી છે. સચિન ખેડેકર, મૃણાલ ઠાકુર (મરાઠી), ટીનુ આનંદ, ભૂમિકા ચાવલા, નિરજ કાબીર (હિન્દી બેલ્ટ), પ્રકાશ રાજ, રશ્મિકા મંદાના, દલકેર સલમાન (તામિલ-તેલુગુ) અને જીસુ સેનગુપ્તા (બંગાળી) … આ સ્ટારકાસ્ટ એ તરફ ઈશારો કરે છે કે, ભારત વર્ષમાં વ્હૂયરશીપ જોઈતી હોય તો વિવિધ પ્રાંત-ભાષાના કલાકારોનું કોકટેલ કરવું અસરકારક છે. સીતા રામમ ફિલ્મમાં એ પૂરવાર થાય છે.
સીતા રામમ ફિલ્મ એ પણ મેસેજ આપે છે કે મામુટી પુત્ર દલકેર સલમાનની સ્ક્રીપ્ટ સેન્સ કાબિલ-એ-તારિફ છે. તમે દલકેર સલમાનની ફિલ્મોગ્રાફી જોઈને આ વાતની ખાત્રી કરી શકો છો.
- Advertisement -
DHOKHA: ROUND THE CORNER
ઈન્ટરેસ્ટીંગ અને મજબૂત ફિલ્મો ક્યારેક નજર ગૂપચાવીને થિયેટરમાંથી ઉતરી જાય એવું ભૂતકાળમાં સતત બન્યું છે કારણકે માઉથ પબ્લિસિટીનો લાભ મળે તે પહેલાં બીજી મોટી રિલિઝને કારણે તેને થિયેટર ગૂમાવી દેવા પડે છે. બેશક, હવે એ સુધારો થયો છે કે તમે તેને ઓટીટી પ્લેટફોર્મ પર ઝડપી શકો છો. આર. માધવનની ધોખા : રાઉન્ડ ધી કોર્નર આવી જ ફિલ્મ છે.
પત્ની સાંચી (ખુશાલીકુમાર)એ કરેલી આજે ડિવોર્સ પેપર પર સાઈન કરી દેવાની તાકિદમાં હામી ભરીને પરેશાન પતિ યથાર્થ સિંહા (આર. માધવન) ફલેટથી નીકળીને ઓફિસ પર પહોંચે છે ત્યાં જ ખબર પડે છે કે, એક ફરાર આતંક્વાદી હક રિયાઝ ગુલ (અપારશક્તિ ખુરાના) તેના ફલેટમાં ધૂસી ગયો છે અને પત્ની સાંચીને તેણે બાનમાં લીધી છે…
એ પછી શું થાય છે ? એ જોવાની મજા તો નેટફલિક્સ પર સ્ટ્રીમ થયેલી ધોખા: રાઉન્ડ ધી કલોક ફિલ્મમાં છે. રોકેટ્રી પછી રિલીઝ થયેલી આર. માધવનની આ ફિલ્મ છે અને એઝ યુઝવલ એ પરફેકટ છે. જોકે ધોખામાં આતંક્વાદી તરીકે અપારશક્તિ ખુરાનાની મહેનત પણ સ્પષ્ટ દેખાય આવે છે. યાદ એટલું રાખજો કે આ ફિલ્મ તમારી નજર ચૂક્વી ગઈ છે પણ ગૂડ ટાઈમ પાસ તો છે જ.
