સિંગર જુબિન નૌટિયાલ મુંબઈની હોસ્પિટલમાં દાખલ, ઘરમાં જ થઈ દુર્ઘટના

સિંગર જુબિન નૌટિયાલ ગુરુવારે ઘરે સીડી પરથી નીચે પડી ગયા હતા અનેઆ દરમિયાન તેમને ગંભીર ઈજાઓ થઈ છે.

સિંગર જુબિન નૌટિયાલને લઈને એક મોટા સમાચાર સામે આવ્યા છે. મળતી જાણકારી અનુસાર સિંગર જુબિન નૌટિયાલ ગુરુવારે ઘરે સીડી પરથી નીચે પડી ગયા હતા અને આ દરમિયાન તેમને ગંભીર ઈજાઓ થઈ છે. સાથે જ જાણવા મળ્યું છે કે જુબિન નૌટિયાલની કોણી તૂટી ગઈ છે અને આ સિવાય તેના માથા, પાંસળી અને કપાળ પર પણ ઈજા છે. હાલ જુબિન નૌટિયાલને મુંબઈની હોસ્પિટલમાં દાખલ કરવામાં આવ્યા છે.

જુબિન નૌટિયાલનું નવું ગીત ‘તુ સામને આયે’ તાજેતરમાં રિલીઝ થયું છે અને આ ગીત ગાયક યોહાની સાથે ગાયું છે. જણાવી દઈએ કે ગુરુવારે નૌટિયાલ અને યોહાની ગીતના લોન્ચિંગ સમયે સાથે જોવા મળ્યા હતા અને આ પછી જ જુબિન નૌટિયાલ ઈજા થઈ. આ અકસ્માતને કારણે સિંગરને તેના જમણા હાથનું ઓપરેશન કરાવવું પડશે અને હાલ ડૉક્ટરોએ તેને જમણા હાથનો ઉપયોગ ન કરવાની સલાહ આપી છે.