મેટા દ્વારા ‘માર્યા’, સીએમ સિદ્ધારમૈયાએ ટેક કંપનીને અનુવાદ બંધ કરવા કહ્યું
કર્ણાટકમાં Meta કંપનીના ઓટો ટ્રાન્સલેશનથી ઘણો વિવાદ થયો છે. મેટાએ ફેસબુક પર મુખ્યમંત્રી કાર્યાલય દ્વારા પોસ્ટ કરાયેલી એક પોસ્ટનું ભાષાંતર કર્યું અને મુખ્યમંત્રી સિદ્ધારમૈયાને મૃત જાહેર કરી દીધા હતા. જેના કારણે વિવાદ થયો હતો. આ ઉપરાંત સીએમ સિદ્ધારમૈયાએ પોતે પણ આ મામલે વાંધો ઉઠાવ્યો હતો.
- Advertisement -
આ પછી, ઘણો વિવાદ થયો. સીએમ સિદ્ધારમૈયાએ પોતે આનો વાંધો ઉઠાવ્યો. આ પછી, મેટાએ માફી માંગી છે. કર્ણાટકના મુખ્યમંત્રી સિદ્ધારમૈયાએ આ અંગે ચિંતા વ્યક્ત કરી હતી. આ પછી જ, મેટા બેકફૂટ પર આવી ગયું છે.
શું છે આખો મામલો?
કર્ણાટકના મુખ્યમંત્રી કાર્યાલય દ્વારા બનાવવામાં આવેલી પોસ્ટ પર વિવાદ થયો હતો. આ પોસ્ટમાં સીએમ સિદ્ધારમૈયાએ અભિનેત્રી બી સરોજા દેવીના મૃત્યુ પર શોક વ્યક્ત કર્યો હતો. જે મૂળ રૂપે કન્નડ ભાષામાં લખવામાં આવ્યું હતું. પરંતુ ઓટો ટ્રાન્સલેશનમાં તે સંપૂર્ણપણે ખોટું થઈ ગયું.
- Advertisement -
સીએમ સિદ્ધારમૈયાએ આ મામલે વાંધો ઉઠાવ્યો
આ મામલે કર્ણાટકના મુખ્યમંત્રીએ ચિંતા વ્યક્ત કરતો મેઈલ કર્યો હતો, જેમાં લખ્યું હતું કે, સોશિયલ મીડિયા પ્લેટફોર્મ ખાસ કરીને સરકારી સંદેશાવ્યવહારમાં જવાબદાર હોવા જોઈએ. નાગરિકોએ ધ્યાન રાખવું જોઈએ કે આ પ્લેટફોર્મ પર અનુવાદ ઘણીવાર ખોટો હોય છે. મેટા પ્લેટફોર્મ પર કન્નડ ભાષાના નબળા ઓટો-ટ્રાન્સલેશનના કારણે યુઝર્સને ખોટી માહિતી મળી રહી છે. તેમજ તથ્યોને ખોટી રીતે રજૂ કરવામાં આવી રહ્યા છે. જેના કારણે યુઝર્સ ગેરમાર્ગે દોરાઈ રહ્યા છે. આથી મારા મીડિયા સલાહકારે ઔપચારિક રીતે આ પ્લેટફોર્મ્સની મૂળ કંપની મેટાને મેઈલ લખીને તાત્કાલિક પગલાં લેવા વિનંતી કરી છે.’
મેટાને ઇમેઇલ મોકલવામાં આવ્યો
કર્ણાટક મુખ્યમંત્રી કાર્યાલય (CMO) એ મેટાને તાત્કાલિક હસ્તક્ષેપ કરવા માટે એક ઇમેઇલ મોકલ્યો છે. તેમણે જ્યાં સુધી સિસ્ટમ સંદર્ભ અનુસાર સચોટ ટ્રાન્સલેશન કરી શકે નહીં ત્યાં સુધી કન્નડથી અંગ્રેજી ટ્રાન્સલેશન સેવાને અસ્થાયી રૂપે બંધ કરવાની પણ સલાહ આપી છે.
મુખ્યમંત્રીના મીડિયા સલાહકાર કે.વી. પ્રભાકરે જણાવ્યું હતું કે, ‘અમે જોયું છે કે મેટાનું કન્નડથી અંગ્રેજીમાં ઓટો ટ્રાન્સલેશન ઘણીવાર ખોટું અને ક્યારેક ગેરમાર્ગે દોરનારું હોય છે. જ્યારે તે મુખ્યમંત્રી અથવા સરકાર સંબંધિત સત્તાવાર માહિતી હોય ત્યારે આ વધુ ખતરનાક બની જાય છે.’ પ્રભાકરે ચેતવણી પણ આપી હતી કે સામાન્ય લોકો સમજી શકતા નથી કે તેઓ જે વાંચી રહ્યા છે તે ઓટો ટ્રાન્સલેશન છે, મૂળ સંદેશ નથી. તેમણે મેટાને કન્નડ ભાષાના નિષ્ણાતો અને વ્યાવસાયિકો સાથે મળીને ટ્રાન્સલેશન સિસ્ટમમાં સુધારો કરવા વિનંતી કરી.
કર્ણાટકના મુખ્યમંત્રી સિદ્ધારમૈયાની મેટાએ તેમની માફી માંગી
કર્ણાટકના મુખ્યમંત્રી સિદ્ધારમૈયા દ્વારા શેર કરાયેલા શોક સંદેશનું ખોટી રીતે ભાષાંતર કર્યા બાદ તેના પ્લેટફોર્મ પર ગંભીર ઓટો-ટ્રાન્સલેશન ભૂલ બાદ માફી માંગી હતી, જેમાં ખોટી રીતે સૂચવવામાં આવ્યું હતું કે તેમનું અવસાન થયું છે.
મેટાએ તાત્કાલિક જવાબ આપ્યો, ભૂલ સ્વીકારી અને કહ્યું કે સમસ્યાનું નિરાકરણ થઈ ગયું છે. “અમે એક સમસ્યાને ઠીક કરી છે જેના કારણે આ ખોટો કન્નડ અનુવાદ થયો હતો. આવું થયું તે બદલ અમે માફી માંગીએ છીએ,” મેટાના પ્રવક્તાએ પીટીઆઈને જણાવ્યું. મુખ્યમંત્રીએ કન્નડમાં કોઈ બીજાના અવસાન પર શોક વ્યક્ત કરતો શોક સંદેશ પોસ્ટ કર્યો ત્યારે ભૂલ પ્રકાશમાં આવી. જોકે, અનુવાદ સાધનમાં ખામીને કારણે, સંદેશ અંગ્રેજીમાં એવી રીતે રજૂ કરવામાં આવ્યો કે જાણે સિદ્ધારમૈયા પોતે મૃત્યુ પામ્યા હોય. ખોટા અનુવાદથી ઘણા વપરાશકર્તાઓ ચોંકી ગયા અને તેની સ્પષ્ટતા થાય તે પહેલાં મૂંઝવણ ઊભી થઈ.
એક X પોસ્ટમાં, સીએમ સિદ્ધારમૈયાએ લખ્યું, “મેટા પ્લેટફોર્મ પર કન્નડ સામગ્રીનું ખામીયુક્ત સ્વતઃ-અનુવાદ તથ્યોને વિકૃત કરી રહ્યું છે અને વપરાશકર્તાઓને ગેરમાર્ગે દોરી રહ્યું છે. સત્તાવાર સંદેશાવ્યવહારની વાત આવે ત્યારે આ ખાસ કરીને ખતરનાક છે.” કર્ણાટક સરકારે મેટાને સિસ્ટમની ચોકસાઈમાં નોંધપાત્ર સુધારો ન થાય ત્યાં સુધી કન્નડ સામગ્રી માટે સ્વતઃ-અનુવાદ સુવિધાને અસ્થાયી રૂપે સ્થગિત કરવા જણાવ્યું હતું. તેણે પ્લેટફોર્મને કન્નડ અને અંગ્રેજી વચ્ચેના અનુવાદોની ગુણવત્તા અને સંદર્ભિક ચોકસાઈ વધારવા માટે લાયક કન્નડ ભાષા નિષ્ણાતો અને ભાષાકીય વ્યાવસાયિકો સાથે સહયોગ કરવા પણ કહ્યું હતું.
