રાજકોટ મ્યુનિ. કમિશનરનું કડક વલણ: વોર્ડ નં.11માં ડામર કામમાં બેદરકારી જણાતા એજન્સી સહિતનાઓને નોટિસ
રાજકોટ મહાનગરપાલિકાના કામો માટે બ્લેકલિસ્ટ થવાની તૈયારી
- Advertisement -
ડેપ્યુટી એન્જિનિયર અને ફિલ્ડ એન્જિનિયરને ફટકારાઈ નોટિસ
કામગીરીમાં બેદરકારી દાખવનાર અધિકારીઓ સામે શિસ્તભંગના પગલાં લેવાશે
ખાસ-ખબર ન્યૂઝ રાજકોટ
- Advertisement -
રાજકોટ શહેરમાં ચાલી રહેલા વિકાસકામોની ગુણવત્તા બાબતે મ્યુનિસિપલ કમિશનર તુષાર સુમેરાએ આજે લાલ આંખ કરી છે. વોર્ડ નં. 11ના ભીમનગર ચોક ખાતે ચાલી રહેલી ડામર રોડની કામગીરીમાં ગંભીર બેદરકારી જણાતા કમિશનરે સ્થળ પર જ એજન્સી અને જવાબદાર એન્જિનિયરો સામે કડક શિક્ષાત્મક કાર્યવાહીના આદેશ આપ્યા છે.
આજે તા. 03-02-2026ના રોજ મ્યુનિસિપલ કમિશનરે શહેરના વિવિધ વિકાસકામોની આકસ્મિક ફેરણી કરી હતી. ભીમનગર ચોક ખાતે ડામર કામગીરીની ચકાસણી દરમિયાન ડામરની જાડાઈ, સપાટીની ગુણવત્તા અને ટેકનિકલ સ્પેસિફિકેશનમાં મોટી ખામીઓ સામે આવી હતી. નિર્ધારિત ધોરણોનું પાલન ન થતું હોવાનું જણાતા કમિશનરએ તાત્કાલિક પગલાં લેવા સૂચના આપી હતી. ડામર કામગીરીમાં ગંભીર બેદરકારી દાખવનાર એજન્સી ’પ્રદીપ ક્ધસ્ટ્રક્શન’ને ભવિષ્યમાં મહાનગરપાલિકાના કોઈપણ કામોમાં ભાગ ન લઈ શકે તે રીતે ‘ડિબાર’ કરવા માટે શો-કોઝ નોટિસ ફટકારવામાં આવી છે. કામગીરીમાં સુપરવિઝનની ખામી બદલ ડેપ્યુટી એન્જિનિયર તેમજ 11 માસના કરાર આધારિત ફિલ્ડ એન્જિનિયર દીપકભાઈ વસંતભાઈ ભોજાણીને પણ શો-કોઝ નોટિસ આપી ખુલાસો પૂછવામાં આવ્યો છે.
મ્યુનિસિપલ કમિશનર તુષાર સુમેરાએ આ તકે તમામ અધિકારીઓને સ્પષ્ટ ચીમકી આપી છે કે, “શહેરના વિકાસકામોમાં પારદર્શકતા અને ગુણવત્તા અનિવાર્ય છે. નાગરિકોની સુવિધાના કામોમાં કોઈપણ પ્રકારની ઢીલાશ કે ભ્રષ્ટાચાર ચલાવી લેવામાં આવશે નહીં અને જવાબદારો સામે આવી જ કડક કાર્યવાહી ચાલુ રહેશે. રાજકોટ મહાનગરપાલિકાની આ આકરી કાર્યવાહીથી કોન્ટ્રાક્ટરો અને બેદરકાર અધિકારીઓમાં ફફડાટ વ્યાપી ગયો છે.
