ખાસ-ખબર ન્યૂઝ ગાઝા, તા.2
રવિવારે દક્ષિણ ગાઝામાં જમવાનું આપતા સમયે થયેલી ગોળીબારમાં ઓછામાં ઓછા 32 પેલેસ્ટિનિયનોના મોત થયા હતા.
ગાઝાના રાજ્ય મીડિયા કાર્યાલયે જણાવ્યું હતું કે ઇઝરાયલી દળોએ રવિવારે દક્ષિણ ગાઝા શહેર રફાહમાં એક સહાય વિતરણ કેન્દ્ર નજીક ગોળીબાર કર્યો હતો.
આમાં 31 લોકોના મોત થયા હતા જ્યારે 200 લોકો ઘાયલ થયા હતા. આ ઉપરાંત, મધ્ય ગાઝાના નેત્ઝારીમ કોરિડોરમાં એક સહાય કેન્દ્ર પર પણ ગોળીબાર કરવામાં આવ્યો હતો.
આમાં એક પેલેસ્ટિનિયન વ્યક્તિનું મોત થયું છે, જ્યારે 32 લોકો ઘાયલ થયા છે. ગાઝામાં ખોરાક વિતરણનું કામ એક અમેરિકન એજન્સી ૠઇંઋ દ્વારા ચલાવવામાં આવી રહ્યું છે.
જોકે, ઇઝરાયલી સૈન્યએ કહ્યું કે સહાય વિતરણ કેન્દ્ર નજીક તેના સૈનિકો દ્વારા કરવામાં આવેલા ગોળીબારમાં કોઈ ઘાયલ થયાની તેમને જાણ નથી. સેનાએ કહ્યું કે આ મામલાની તપાસ કરવામાં આવી રહી છે.
તે જ સમયે, અલ-જઝીરાના અહેવાલ મુજબ, 27 મે થી 1 જૂન દરમિયાન ગાઝામાં ખોરાક વિતરણ દરમિયાન થયેલા ગોળીબારમાં 49 લોકોના મોત થયા છે. તે જ સમયે 300થી વધુ લોકો ઘાયલ થયા છે.
પેલેસ્ટાઇન રેડ ક્રેસન્ટના એક આરોગ્ય કાર્યકરે અલ જઝીરાને જણાવ્યું હતું કે ગોળીબાર શરૂૂ થયો ત્યારે રફાહ વિસ્તારમાં મોટી સંખ્યામાં લોકો ખોરાક લેવા માટે એકઠા થયા હતા.
દરમિયાન, ગાઝાના આરોગ્ય મંત્રાલયે જણાવ્યું હતું કે કુલ 179 લોકો ઘાયલ થયા છે, જેમાંથી 30 લોકોની હાલત ગંભીર છે.
ઘણા બધા લોકો ઘાયલ થવાથી હોસ્પિટલો ખીચોખીચ ભરાઈ ગઈ છે અને ઇમરજન્સી વોર્ડ, ઓપરેશન થિયેટર અને ઈંઈઞમાં જગ્યાની અછત છે.
ૠઇંઋ નામના આ સંગઠનને અમેરિકા અને ઇઝરાયલનું સમર્થન છે. ઇઝરાયલે હમાસ પર ગાઝામાં આવતી સહાય ચોરી કરવાનો અને વેચવાનો આરોપ લગાવ્યા બાદ આ સંગઠન શરૂ કરવામાં આવ્યું હતું.
- Advertisement -
માનવાધિકાર જૂથો અને સંયુક્ત રાષ્ટ્રોએ કહ્યું છે કે આના કોઈ નક્કર પુરાવા નથી, ઇઝરાયલે જાહેરમાં કોઈ પુરાવા આપ્યા નથી. યુએન સહાય એજન્સીઓએ ૠઇંઋના સહાય પહોંચાડવાના અભિગમની ટીકા કરી છે.
તેમનું કહેવું છે કે આ પદ્ધતિ માનવતાવાદી નિયમોનું ઉલ્લંઘન કરે છે અને પેલેસ્ટિનિયનોને જોખમમાં મૂકે છે. તાજેતરના દિવસોમાં હજારો ભૂખ્યા લોકો ૠઇંઋ વિતરણ કેન્દ્રો પર પહોંચ્યા ત્યારે અરાજકતા ફેલાઈ ગઈ, જેના કારણે ઇઝરાયલ અને ૠઇંઋની વધુ ટીકા થઈ.
ૠઇંઋએ છેલ્લા છ દિવસમાં લગભગ 4.7 મિલિયન ફૂડ પેકેટ પૂરા પાડ્યા હોવાનો દાવો કર્યો છે અને ફક્ત રવિવારે જ 16 ટ્રક દ્વારા 887,000થી વધુ ફૂડ પેકેટનું વિતરણ કરવામાં આવ્યું હતું. તેમણે કહ્યું કે આ બધું કોઈપણ મુશ્ર્કેલી વિના કરવામાં આવ્યું હતું અને મૃત્યુ કે ઈજાના અહેવાલો ખોટા અને બનાવટી હતા.
