આજે પહેલીવાર સેન્સેક્સ 502 પોઈન્ટના બમ્પર જમ્પ સાથે 82637 ના સ્તર પર ખુલ્યો, નિફ્ટીએ પણ દિવસની શરૂઆત 25249ની સર્વકાલીન ઉચ્ચ સપાટીથી 97 પોઇન્ટના વધારા સાથે કરી હતી.
પ્રી-ઓપન સેશનમાં ભારે ઉત્તેજના
આજે પ્રી-ઓપન સેશનથી માર્કેટમાં ઉત્સાહનો માહોલ છે. પ્રી-ઓપન સેશનમાં સેન્સેક્સ 500થી વધુ પોઈન્ટના વધારા સાથે 82,640 પોઈન્ટની નજીક ટ્રેડ કરી રહ્યો હતો, જ્યારે નિફ્ટી લગભગ 100 પોઈન્ટ ઉછળીને 25,250 પોઈન્ટની નજીક ટ્રેડ કરી રહ્યો હતો. બજાર ખૂલતા પહેલા સવારે ગિફ્ટ સિટીમાં નિફ્ટી ફ્યુચર મજબૂત દેખાઈ રહ્યા હતા. નિફ્ટી ફ્યુચર લગભગ 16 પોઈન્ટના પ્રીમિયમ સાથે 25,286 પોઈન્ટ પર પહોંચ્યો હતો.
- Advertisement -
આ પહેલા ગુરુવારે સ્થાનિક શેરબજારે નવા ઉચ્ચ સ્તરનો રેકોર્ડ બનાવ્યો હતો. ગઈકાલના કારોબારમાં સેન્સેક્સ 349.05 પોઈન્ટ (0.43 ટકા)ના વધારા સાથે 82,134.61 પોઈન્ટ પર બંધ રહ્યો હતો. તે પહેલાં, સેન્સેક્સ ઇન્ટ્રાડેમાં 82,285.83 પોઇન્ટની ઊંચી સપાટીએ પહોંચ્યો હતો, જે સેન્સેક્સનો નવો ઓલ-ટાઇમ હાઇ લેવલ છે. એ જ રીતે, ટ્રેડિંગના અંતે નિફ્ટી 99.60 પોઈન્ટ (0.40 ટકા)ના વધારા સાથે 25,151.95 પોઈન્ટ પર બંધ થયો હતો. ટ્રેડિંગ દરમિયાન નિફ્ટી 25,192.90 પોઈન્ટની નવી ઓલ-ટાઇમ હાઈ લેવલ સુધી પહોંચવામાં સફળ રહ્યો.
અમેરિકામાં GDPના ડેટા બાદ બજારનું વાતાવરણ કંઈક અંશે સુધર્યું હતું. ગુરુવારે વોલ સ્ટ્રીટ પર ડાઉ જોન્સ ઇન્ડસ્ટ્રીયલ એવરેજ 0.59 ટકા વધ્યો હતો. જોકે S&P500 લગભગ સ્થિર રહ્યો હતો જ્યારે Nasdaq કમ્પોઝિટ ઇન્ડેક્સમાં 0.23 ટકાનો થોડો ઘટાડો થયો હતો. જાપાનનો નિક્કી મામૂલી ઉછાળો છે, જ્યારે ટોપિક્સ 0.23 ટકા ઉપર છે. દક્ષિણ કોરિયાનો કોસ્પી 0.55 ટકા અને કોસ્ડેક 0.74 ટકા ઉપર છે. જો કે હોંગકોંગના હેંગસેંગ ઈન્ડેક્સમાં આજે ખરાબ શરૂઆતના સંકેત દેખાઈ રહ્યા છે.
પ્રથમ ક્વાર્ટરના જીડીપીના આંકડા આજે આવશે
- Advertisement -
આજે ભારતીય અર્થવ્યવસ્થાના વર્તમાન નાણાકીય વર્ષના પ્રથમ ત્રિમાસિક ગાળાના એટલે કે એપ્રિલ-જૂન 2024ના સત્તાવાર આંકડા જાહેર થવા જઈ રહ્યા છે. તે પહેલા વૈશ્વિક ક્રેડિટ રેટિંગ એજન્સી મૂડીઝે ભારતના આર્થિક વિકાસના અંદાજમાં વધારો કર્યો છે. મૂડીઝનું માનવું છે કે ભારતીય અર્થવ્યવસ્થા 2024માં 7.2 ટકા અને 2025માં 6.6 ટકાના દરે વૃદ્ધિ પામી શકે છે. સેન્સેક્સ પર મોટા ભાગના મોટા શેરો શરૂઆતના કામકાજમાં નફામાં હતા. બજાજ ફિનસર્વ સૌથી વધુ 1.5 ટકા સુધર્યો હતો. ટાઇટન, એચડીએફસી બેંક, બજાજ ફાઇનાન્સ જેવા શેરો પણ 1% કરતા વધુના નફામાં હતા. સેન્સેક્સના 30 શેરમાંથી માત્ર 6 શેર ઘટ્યા હતા. ચાર મોટા IT શેરો TCS, Infosys, HCL ટેક અને ટેક મહિન્દ્રા ખોટમાં હતા.
