ઇવીએમ,E-Vigil સહિત saksham એપ થકી ચૂંટણી પ્રક્રિયા ડિજિટલ બની છે
ખાસ-ખબર ન્યૂઝ પોરબંદર, તા.27
- Advertisement -
ભારતના ચૂંટણી પંચ દ્વારા મતદારો સરળતાથી મતદાન કરે અને ચૂંટણીનું પર્વ દેશના ગૌરવ તરીકે ઉજવાય તે માટે પ્રયાસો હાથ ધરવામાંઆવ્યાં છે.પોરબંદર લોકસભા સામાન્ય ચૂંટણી 2024 ને અનુલક્ષીને ચૂંટણી તંત્ર દ્વારા અનેકવિધ મતદાન જનજાગૃતિ ઝુંબેશ હાથ ધરાઈ રહી છે. ત્યારે દિવ્યાંગ મતદારોની સુવિધાઓ પર પણ વિશેષ મહત્વ આપવામાં આવી રહ્યું છે. તાજેતરમાં જ ચૂંટણી પંચ દ્વારા દિવ્યાંગ મતદારોને કેન્દ્રસ્થાને રાખીને સક્ષમ એપ્લિકેશન વિકસાવવામાં આવી છે. ઇવીએમ, સહિત saksham એપ થકી ભારતની ચૂંટણી પ્રક્રિયા ડિજિટલ બની છે. saksham એપથી દિવ્યાંગજનો (PwD) મતદાર ઓળખ અને નોંધણી પ્રક્રિયાને સરળતાથી પૂર્ણ કરી શકે છે. ભારતીય ચૂંટણી પંચના માર્ગદર્શન હેઠળ જિલ્લા ચૂંટણી તંત્રએ Every vote counts ના સૂત્રને ચરિતાર્થ કરીને દિવ્યાંગ મતદારોની સુવિધા પર વિશેષ કાળજી લીધી છે. જેમાં દિવ્યાંગ મતદારો ચૂંટણીના દિવસે અનેકવિધ સુવિધાઓનો લાભ લઈ શકે છે. મતદાન મથક સહિત મતદાન અધિકારીઓની સંપર્ક સાથેની વિગતો, વ્હીલચેર માટેની સુવિધાઓ તેમજ પોતાની સમસ્યાના સમાધાન માટે ફરિયાદ દાખલ કરી શકે છે. કોઈ પણ ચૂંટણી સેવાઓની વિનંતી કરવા માટે, પ્રથમ વખત ભાગ લઈ રહેલા દિવ્યાંગ મતદારોએ રજીસ્ટ્રેશન કરવા માટે તેમના રાજ્ય, જિલ્લા અને મતવિસ્તાર સાથે તેમનું નામ, સરનામું અને મોબાઇલ નંબરની વિગતો નોંધવી પડશે. મતદાર ઓળખપત્રમાં ઉપરની બાજુ દર્શાવેલો તેમનો EPIC નંબર આપવો પડશે. એકવાર રજિસ્ટ્રેશન થઈ ગયા બાદ બૂથ-લેવલના અધિકારી અન્ય ઔપચારિકતાઓ પૂર્ણ કરવા માટે તેમના ઘરે જશે. તે પછી, મતદાર ઓળખપત્રો તેમના સરનામાં પર મોકલવામાં આવશે. આ એપ દ્વારા માત્ર દિવ્યાંગ મતદારો માટે મતદાનના દિવસે વ્હીલચેર માટે વિનંતી કરવાની સુવિધા પણ આપવામાં ₹ આવી છે.
