RRR એ સમગ્ર વિશ્વમાં ભારતનું નામ રોશન કર્યુ: બેસ્ટ ફોરેન લેંગ્વેજ ફિલ્મનો એવોર્ડ જીત્યો

– સાઉથની આ ફિલ્મે ફરી ગ્લોબલ પ્લેટફોર્મ વગાડ્યો ડંકો

એસએસ રાજામૌલીની ફિલ્મ RRR રિલીઝ થયા બાદ નવા-નવા રેકોર્ડ તોડી રહી છે. આ ફિલ્મે એવું કર્યું છે જે આજ સુધી ભાગ્યે જ કોઈ અન્ય ફિલ્મે કર્યું હશે. RRR એ સમગ્ર વિશ્વમાં ભારતનું નામ ઉંચું કર્યું છે. દુનિયામાં માત્ર એસએસ રાજામૌલીની ફિલ્મ આરઆરઆરની જ ચર્ચા થઈ રહી છે. સાઉથની આ ફિલ્મે ફરી ગ્લોબલ પ્લેટફોર્મ પર ભારતનું નામ રોશન કર્યું છે.

Congratulations to the cast and crew of @RRRMovie – winners of the #criticschoice Award for Best Foreign Language Film.#CriticsChoiceAwards pic.twitter.com/axWpzUHHDx

— Critics Choice Awards (@CriticsChoice) January 16, 2023

ગોલ્ડન ગ્લોબ જીત્યા બાદ રાજામૌલીની ફિલ્મ ‘RRR’એ નવો એવોર્ડ પોતાના નામે કર્યો છે. આ ફિલ્મને શ્રેષ્ઠ વિદેશી ભાષાની ફિલ્મ માટે ક્રિટિક્સ ચોઈસ એવોર્ડ મળ્યો હતો. આ સમાચાર સામે આવ્યા બાદ સ્ટાર્સથી લઈને ફેન્સની ખુશીનો કોઈ પાર નથી રહ્યો. આ માહિતી ક્રિટીક્સ ચોઈસ એવોર્ડના જ ઓફિશિયલ ટ્વિટર હેન્ડલ દ્વારા દરેક સાથે શેર કરવામાં આવી છે.

RRRએ આ ફિલ્મોને પછાડી

ક્રિટિક્સ ચોઈસ એવોર્ડે ટ્વિટ કર્યું કે, RRR ફિલ્મના કલાકારો અને ક્રૂને ખૂબ ખૂબ અભિનંદન. આ ફિલ્મને બેસ્ટ ફોરેન લેંગ્વેજ ફિલ્મ માટે ક્રિટિક્સ ચોઈસ એવોર્ડ મળ્યો છે. આ સાથે તેણે RRRનું પોસ્ટર પણ શેર કર્યું છે. આ મુકાબલો ખૂબ જ સ્પર્ધાત્મક હતો. RRR સાથે ‘ઓલ ક્વાયટ ઓન ધ વેસ્ટર્ન ફ્રન્ટ’, ‘આર્જેન્ટિના 1985’, ‘બાર્ડો’, ‘ફોલ્સ ક્રોનિકલ ઓફ અ હેન્ડફુલ ઓફ ટ્રુથ્સ’, ‘ક્લોઝ’ અને ‘ડિસિઝન ટુ લીવ’ જેવી ફિલ્મો પણ આ કેટેગરીમાં હતી.

Cheers on a well deserved win @RRRMovie 🥂! pic.twitter.com/f3JGfEitjE

— Critics Choice Awards (@CriticsChoice) January 16, 2023

પરંતુ બધાને પછાડીને RRRએ આ ખિતાબ પોતાના નામે કર્યો છે. આટલું જ નહીં ક્રિટીક્સ ચોઈસ એવોર્ડના ટ્વિટર હેન્ડલ પર એસએસ રાજામૌલીનો એક વીડિયો પણ શેર કરવામાં આવ્યો છે. વીડિયોમાં ડિરેક્ટર હાથમાં ટ્રોફી પકડેલા જોવા મળે છે. રાજામૌલીના ચહેરા પર સ્મિત સ્પષ્ટ જોઈ શકાય છે. બીજી તરફ આ એવોર્ડ સમગ્ર ભારત માટે એક મહાન સન્માન છે.