જૂનાગઢ જિલ્લામાં વરસાદની આગાહીને પગલે અધિકારીઓ સાથે સમીક્ષા બેઠક

રાજ્યકક્ષાએથી યોજાયેલી વીડિયો કોન્ફરન્સ દ્વારા માર્ગદર્શન

ખાસ-ખબર ન્યૂઝ જૂનાગઢ, તા.23

અરબી સમુદ્રમાં સર્જાયેલા લો પ્રેશરને પગલે રાજયમાં પવન ફૂંકાવાની અને વરસાદની આગાહી હવામાન વિભાગ દ્વારા કરવામાં આવી છે. જેના અનુસંધાને જૂનાગઢ જિલ્લા કલેક્ટર અનિલકુમાર રાણાવસિયાના અધ્યક્ષ સ્થાને અધિકારીઓ સાથે સમીક્ષા બેઠક યોજાઈ હતી.
રાજયમાં વરસાદની આગાહીના પગલે રાજ્યકક્ષાએથી મુખ્ય સચિવ પંકજ જોષી દ્વારા વીડિયો કોન્ફરન્સના માધ્યમથી જૂનાગઢ સહિત તમામ જિલ્લાના કલેકટર તેમજ અન્ય અધિકારીઓએ જરૂરી માર્ગદર્શન પુરું પાડયું હતું. આ બેઠકમાં કલેક્ટર દ્વારા શેલ્ટર હોમની સાફ સફાઈ, પ્રાથમિક સુવિધાઓની ચકાસણી, તલાટી કમ મંત્રીઓને દરેક ગામની મુલાકાત લેવા, દરિયામાંથી દરેક બોટ પરત આવે, વિવિધ પ્રવાસન સ્થળો પર આવતા પ્રવાસીઓને અગાઉથી વરસાદની જાણ રહે એ માટે વેબસાઈટ પર જરુરી માહિતી મળી રહે એ અંગે એલર્ટ રહેવા અને તકેદારીના પગલાં ભરવા માટેની જરૂરી સૂચનાઓ અને દિશા નિર્દેશ સંબંધિત વિભાગના અધિકારીઓને આપ્યા હતા. આ બેઠકમાં વિવિધ વિભાગના અધિકારીઓ ઉપસ્થિત રહ્યા હતા.