રાજુલા : ગ્રામ પંચાયતની સામાન્ય ચૂંટણીને લઇને ઉમેદવારી નોંધાવા માટે ઉમેદવારોની ભારે ભીડ

રાજ્ય સરકાર દ્વારા ગુજરાતમાં ખાલી પડેલ ગ્રામ પંચાયતની સામાન્ય ચૂંટણીની માટેની તારીખ જાહેર કરવામાં આવી છે. ત્યારે રાજુલા તાલુકાના 12 ગામડાઓની ગ્રામ પંચાયતની સામાન્ય ચૂંટણી જેમાં કાતર, ખાંભલીયા, દેવકા, નવાગામ ( મેરીયાણા), નાના રીંગણીયાળા, બર્બટાણા, બારપટોળી, મસુદડા નાના મોટા, રામપરા-1, વિક્ટર, વિસળીયા, પીપાવાવ ધામ સામાન્ય ગ્રામ પંચાયતની ચૂંટણી યોજાશે. તેમજ 17 ગામડાઓમાં સભ્યો માટે પેટા ચૂંટણી યોજવામાં આવશે. જેને લઇ આજે 9 જૂન ગ્રામ પંચાયત ચૂંટણી માટે ઉમેદવારી પત્રો ભરવાનો અંતિમ દિવસ હતો. આવતીકાલે ફ્રોમ પરત ખેંચવામાં આવશે. અને આગામી 25 જૂનના રોજ ગ્રામ પંચાયતની સામાન્ય ચૂંટણી યોજાવાની છે.