ફટાકડામાં અવનવી વેરાયટી: ગોલ્ડન ડક, ફ્લેશ ગન, સુપર ડ્રોનનો બાળકોમાં ક્રેઝ

રાજકોટની બજાર ફટાકડાથી ઉભરાઈ: ઠેર-ઠેર ફટાકડાના સ્ટોલ લાગ્યા

દિવાળીને હવે ગણતરીના દિવસો જ બાકી છે. ત્યારે લોકો ઘરની સાફ-સફાઇથી લઇને સજાવટની વસ્તુઓ, નવા કપડા, જ્વેલરી વગેરેની ખરીદી કરી રહ્યા છે. પરંતુ ફટાકડા વગરની દિવાળી તો અધૂરી ગણાય છે. ત્યારે રાજકોટની બજારોમાં અવનવા ફટાકડાની વેરાયટી જોવા મળી રહી છે.

દિવાળી નજીક આવતાં જ શહેરના રસ્તાઓ ઉપર અને ગલી મહોલ્લાના નાકે ઠેર ઠેર ફટાકડાના સ્ટોલ લાગી ગયા છે. દર વર્ષની જેમ આ વર્ષે પણ બજારમાં ફટાકડાની અવનવી વેરાયટી આવી છે.

જેમાં નાના બાળકો માટે ફૂલઝર, ચકરડી, કોઠી, રોકેટ, નાના-મોટા બોમ્બ, ભીત ભડાકા, પોપપોપ તો છે જ આ સિવાય ગોલ્ડન ડક, ફ્લેશ ગન, સુપર ડ્રોન, બંદૂક સહિતની વેરાયટીનું ધૂમ વેચાણ થઈ રહ્યું છે.