50 હજાર દૂધ ઉત્પાદકોને થશે ફાયદો
ખાસ-ખબર ન્યૂઝ રાજકોટ
- Advertisement -
રાજકોટ દૂધ સંઘનાં અધ્યક્ષ ગોરધનભાઈ ધામેલીયા અને નિયામક મંડળના સભ્યો દ્વારા સંઘ સાથે જોડાયેલા હજારો દૂધ ઉત્પાદકોના આર્થિક અને સામાજિક હિતોને ધ્યાનમાં રાખીને નિર્ણયો લેવામાં આવે છે.ઉનાળાની શરૂઆત સાથે જ રાજકોટ ડેરી દ્વારા હજારો દુધ ઉત્યાદકોના હિતમાં નિર્ણય લેવાયો છે અને દુધના ખરીદભાવમાં પ્રતિકિલો ફેટે રૂા.10 નો વધારો કરવામાં આવ્યો છે. રાજકોટ દૂધ સંઘનાં અધ્યક્ષ ગોરધનભાઈ ધામેલીયા અને નિયામક મંડળના સભ્યો દ્વારા સંઘ સાથે જોડાયેલા હજારો દૂધ ઉત્પાદકોના આર્થિક અને સામાજિક હિતોને ધ્યાનમાં રાખીને નિર્ણયો લેવામાં આવે છે.હાલની ઉનાળા ની શરૂૂઆત થતાં અને ગરમીને ધ્યાનમાં રાખીને દૂધ ઉત્પાદકોને આર્થિક રીતે મદદ થવાનાં ઉદેશથી સંઘનાં નિયામક મંડળે પ્રતિ કિલો ફેટે રૂપિયા 10 નો ભાવ વધારો કરીને પ્રતિ કિલો ફેટનો ભાવ રૂપિયા 790 કરવા નિર્ણય નક્કી કરેલ છે. અત્યારે દૂધ મંડળીઓને પ્રતિ કિલો ફેટનો ભાવ રૂપિયા 780 ચુકવવામાં આવી રહયો છે. દૂધ સંઘ દ્વારા તા. 01/04/2025 થી દૂધ મંડળીઓને પ્રતિકિલો ફેટે રૂપિયા.790 ચુકવવામાં આવશે અને દૂધ મંડળીઓ તેના દૂધ ઉત્પાદકોને પ્રતિ કિલો ફેટનો ભાવ રૂપિયા 785 ચુકવશે. આ નિર્ણયથી દૂધ સંઘ સાથે જોડાયેલ 50 હજારથી વધારે દૂધ ઉત્પાદકોને આર્થિક ફાયદો થશે. આ જાહેરાત દૂધ સંઘના અધ્યક્ષ ગોરધનભાઈ ધામેલીયા તરફથી કરવામાં આવેલ છે.
