ક્રિકેટ બોર્ડ પર નાણાંનો વરસાદ : IPL- 2023માં 5100 કરોડથી વધુની કમાણી

116%ની વૃદ્ધિ: ફ્રેન્ચાઇઝી ફીથી માંડીને ટાઇટલ – મીડીયા રાઇટસથી તગડી આવક

ખાસ-ખબર ન્યૂઝ નવી દિલ્હી, તા.20

બોર્ડ ઓફ કંટ્રોલ ફોર ક્રિકેટ ઇન ઈન્ડિયાએ ઈન્ડિયન પ્રીમિયર લીગ 2023થી 5120 કરોડની કમાણી કરી છે, જે આઇપીએલ 2022ની 2367 કરોડ કરતાં 116 ટકા વધારે છે. બીસીસીઆઈના 2022-23ના વાર્ષિક અહેવાલ મુજબ, આઈપીએલ 2023થી કુલ વાર્ષિક આવક 78 ટકા વધીને 11769 કરોડ થઈ છે, જ્યારે ખર્ચ 66 ટકા વધીને 6648 કરોડ થયો છે. આ આવકમાં વૃદ્ધિ નવા મીડિયા રાઈટ્સ અને સ્પોન્સરશિપ ડીલ્સને કારણે થઈ હતી 2023-2027 માટે 48390 કરોડની નવી મીડિયા રાઇટ્સ ડીલ આઇપીએલ 2023 સિઝન સાથે શરૂ થઈ હતી. 2021માં, ડિઝની સ્ટારે 23575 કરોડની બિડ સાથે 2023 થી 27 માટે આઈપીએલ ટીવીના રાઈટ્સ મેળવ્યાં હતાં, જ્યારે વાયાકોમ 18 માલિકીની જીઓ સિનેમાએ 23758 કરોડની બિડ સાથે ડિજિટલ રાઈટ્સ પ્રાપ્ત કર્યા હતાં.બીસીસીઆઈએ પાંચ વર્ષના સમયગાળા માટે 2500 કરોડમાં ટાટા સન્સને આઈપીએલના રાઈટ્સ પણ વેચ્યાં હતાં. તેને માય સર્કલ 11, રૂ-પે એન્જલ વન અને ક્રીટને સ્પોન્સરશિપ વેચીને વધુ 1485 કરોડની કમાણી કરી હતી.વાર્ષિક અહેવાલ મુજબ, બોર્ડની મીડિયા રાઈટ્સની આવક આઇપીએલ 2022થી 3780 કરોડની સામે આઇપીએલ 2023 માં 131 ટકા વધીને 8744 કરોડ’ થઈ હતી. ફ્રેન્ચાઈઝી ફીની કમાણી 1730 કરોડથી 22 ટકા વધીને 2117 કરોડ’ થઈ હતી. સ્પોન્સરશિપની આવક 828 કરોડથી 2 ટકા વધુ, 847 કરોડ’ થઈ હતી. આઇપીએલ 2018 અને 2022ની વચ્ચે ડીઝનીએ આઇપીએલના એકમાત્ર મીડિયા રાઈટ્સ ધારક હતાં. કંપનીએ પાંચ વર્ષના અધિકારો માટે 26347 કરોડ ચૂકવ્યાં હતાં.

તમિલનાડુ સોસાયટી રજીસ્ટ્રેશન એક્ટ 1975 1 હેઠળ નોંધાયેલ, બીસીસીઆઈએ વિશ્વની સૌથી ધનિક અને સૌથી શક્તિશાળી ક્રિકેટ સંસ્થા છે. બોર્ડે વર્ષ 2023 દરમિયાન તેના જૂના ઓડિટર ડેલોઈટ હાસ્ક્ધિસ એન્ડ સેલ્સને સ્થાનિક ફર્મ ડીટીએસ એન્ડ એસોસિએટ્સ સાથે બદલ્યું હતું.બ્રાન્ડ વેલ્યુએશન અને સ્ટ્રેટેજી ક્ધસલ્ટન્સી બ્રાન્ડ ફાઇનાન્સના મેનેજિંગ ડિરેક્ટર અજીમોન ફ્રાન્સિસે જણાવ્યું હતું કે, ‘બીસીસીઆઈ વિશ્વ ક્રિકેટમાં ઈર્ષ્યાપાત્ર સ્થિતિમાં છે. આટલી બધી આવક હાંસલ કર્યા પછી, બીસીસીઆઈએ લીગ અથવા ગ્રાસરૂટ ક્રિકેટને સમર્થન આપીને વૈશ્વિક સ્તરે રમતની આગેવાની લેવી જોઈએ.

’બીસીસીઆઈએ પાસે 2023ના અંતે વિવિધ બચત અને ચાલુ ખાતા અને એફડીમાં 16,493.2 કરોડ બેંક બેલેન્સ હતું, જે એક વર્ષ અગાઉ 10,991.29કરોડ હતું. તેને 2023ની સિઝન દરમિયાન સેન્ટ્રલ પૂલમાંથી આઇપીએલ ફ્રેન્ચાઇઝીઓને 4670 કરોડ ચૂકવ્યાં હતાં, જે અગાઉની સિઝનમાં 2205 કરોડ હતા.એકંદરે, 2023 દરમિયાન બોર્ડની આવક 38 ટકા વધીને 3727 કરોડ થઈ હતી.

આવક 50 ટકા વધીને 6558 કરોડ થઈ અને ખર્ચ 70 ટકા વધીને 2831 કરોડ થયો હતો. ક્રિકેટ બોર્ડે વિમેન્સ પ્રીમિયર લીગમાંથી 377 કરોડની કમાણી કરી હતી, જેની શરૂઆત 2023 માં થઈ હતી. મીડિયા રાઈટ્સ, ફ્રેન્ચાઇઝ ફી અને સ્પોન્સરશિપ દ્વારા તેમાંથી 636 કરોડની કમાણી કરી હતી. તેના માટે 259 કરોડનો ખર્ચ થયો હતો. નાણા રાજ્ય મંત્રી પંકજ ચૌધરીએ રાજ્યસભામાં માહિતી આપી હતી કે બીસીસીઆઈએ વર્ષ 2023 અને 2024 દરમિયાન 2038 કરોડ જીએસટી પેટે
ચૂકવ્યાં હતાં.