ચીનમાં SCO સમિટમાં પ્રધાનમંત્રી મોદી, પુતિન સહિતના મહાનુભાવો એક જ ફ્રેમમાં !

પોતાના X હેન્ડલ પર, તેમણે નેપાળના કેપી ઓલી સાથેના ફોટા પણ શેર કર્યા, જેમાં તેમણે બંને દેશોના સંબંધોને “ઊંડા મૂળવાળા અને ખૂબ જ ખાસ” ગણાવ્યા. એક સમયે ભારતના કટ્ટર ટીકાકાર રહેલા માલદીવના રાષ્ટ્રપતિ મોહમ્મદ મુઇઝુ પણ મોદીના ફોટામાં દેખાયા હતા – જે તેમના બદલાયેલા વલણની તાજેતરની અભિવ્યક્તિ છે. મોદીએ મ્યાનમાર જુન્ટાના સિનિયર જનરલ મીન આંગ હ્લેઇંગને પણ મળ્યા અને દેશમાં ટૂંક સમયમાં મુક્ત અને ન્યાયી ચૂંટણીઓ યોજવાની આશા વ્યક્ત કરી.

ચીનમાં PM મોદીને ખાસ ‘હોંગચી કાર’ આપવામાં આવી

SCO સમિટમાં હાજરી આપવા માટે ચીન પહોંચેલા વડાપ્રધાન નરેન્દ્ર મોદીને ત્યાંની સરકારે તેમના રોકાણ દરમિયાન એક ખાસ ‘હોંગચી કાર’ આપવામાં આવી હતી. આ એ જ કાર છે જેનો ઉપયોગ ચીનના રાષ્ટ્રપ્રમુખ શી જિનપિંગ સત્તાવાર પ્રવાસોમાં કરે છે. ‘હોંગચી’, જેનો અર્થ ‘લાલ ધ્વજ’ થાય છે, તે ચીનની પ્રતિષ્ઠિત લક્ઝરી બ્રાન્ડ છે અને તેને ‘મેડ ઇન ચાઇના’ ની ઓળખ માનવામાં આવે છે. ભારતના મહાબલીપુરમ સમિટ દરમિયાન શી જિનપિંગે ‘હોંગચી L5’ કારનો પણ ઉપયોગ કર્યો હતો.

ભારત-ચીન માટે મિત્ર બનવું એ યોગ્ય વિકલ્પ છે: જિનપિંગ

ચીનના રાષ્ટ્રપ્રમુખ જિનપિંગ રવિવારે વડાપ્રધાન નરેન્દ્ર મોદીને મળ્યા હતા. આ દરમિયાન તેમણે કહ્યું હતું કે, ‘મિત્ર બનવું એ ભારત અને ચીન માટે યોગ્ય વિકલ્પ છે, બંને દેશોએ સરહદ વિવાદને પરસ્પર સંબંધોની ઓળખ ન બનવા દેવી જોઈએ. ભારત અને ચીન હરીફ નથી પણ સાથી છે. બંને દેશો એકબીજાના વિકાસ માટે તકો છે, ખતરા નહીં.’

જિનપિંગે કહ્યું કે, ‘આપણે સારા પડોશી, વિશ્વસનીય ભાગીદાર અને મિત્રો બનવું જોઈએ જે એકબીજાની સફળતામાં સહાયક હોય. ડ્રેગન (ચીન) અને હાથી (ભારત)એ સાથે મળીને કામ કરવું એ બંને દેશો માટે યોગ્ય પસંદગી છે. ભારત-ચીન સંબંધોને લાંબા ગાળાના અને વ્યૂહાત્મક દ્રષ્ટિકોણથી જોવું જોઈએ. આ વર્ષ બંને દેશો વચ્ચે રાજદ્વારી સંબંધોની 75મી વર્ષગાંઠ છે, આવી સ્થિતિમાં સ્થિર અને રચનાત્મક સંબંધો જાળવવાની જવાબદારી વધુ વધે છે.’ જિનપિંગે બંને દેશોને વ્યૂહાત્મક સંવાદ વધારવા, પરસ્પર વિશ્વાસ મજબૂત કરવા, બહુપક્ષીય સહયોગમાં ભાગીદારી વધારવા અને ગ્લોબલ સાઉથની એકતાને આગળ વધારવા હાંકલ કરી.