સામાન્ય ચૂંટણી પહેલા જ 2024-25ના સંપૂર્ણ બજેટની તૈયારી શરૂ

ખાસ-ખબર ન્યૂઝ ઈં નવી દિલ્હી, તા.15
સામાન્ય ચૂંટણી પહેલા જ ઉચ્ચ સરકારી અધિકારીઓએ બજેટની તૈયારીઓ શરૂ કરી દીધી છે. સૂત્રોએ જણાવ્યું કે નાણાકીય વર્ષ 2024-25નું સંપૂર્ણ બજેટ, જે હવે તૈયાર થઈ રહ્યું છે, તે જૂન અથવા જુલાઈમાં રજૂ થઈ શકે છે. નવી સરકાર સત્તા સંભાળ્યા બાદ જ નીતિ સ્તરે મોટા ફેરફારો અથવા જાહેરાતો કરવામાં આવશે, પરંતુ સૂત્રોએ ચોક્કસ કહ્યું છે કે બજેટના અન્ય કેટલાક મુદ્દાઓ પર કામ શરૂ થઈ ગયું છે.
ઉદ્યોગના સૂત્રોનું કહેવું છે કે તેઓએ ટેક્સને લઈને અનેક દરખાસ્તો કરી છે, જેના પર નાણા મંત્રાલય દ્વારા વિચારણા કરવામાં આવી રહી છે. ઉદ્યોગના એક પ્રતિનિધિએ જણાવ્યું હતું કે, ‘નવી સરકારની રચના બાદ ટેક્સની દરખાસ્તો ઉદ્યોગના પ્રતિનિધિઓ સાથે ચર્ચા કરી શકાય છે. પરંતુ બજેટને લગતી કવાયત શરૂ થઈ ગઈ છે.
નાણા મંત્રાલય ચૂંટણી બાદ આગામી 100 દિવસ માટે વિઝન ડોક્યુમેન્ટ તૈયાર કરી રહ્યું છે. આ ઉપરાંત આગામી પાંચ વર્ષમાં વિકસિત ભારતનું લક્ષ્ય હાંસલ કરવાની તૈયારીઓ પણ ચાલી રહી છે. એવું માનવામાં આવે છે કે 2024-25દ્ગક્ર બજેટમાં ઇન્ફ્રાસ્ટ્રક્ચર અને મૂડી ખર્ચ પર સરકારનો ભાર ચાલુ રહેશે.ગયા મહિને, નાણા પ્રધાન નિર્મલા સીતારમણે કહ્યું હતું કે સરકાર તેના ત્રીજા કાર્યકાળમાં સુધારાના આગલા રાઉન્ડ માટે દબાણ કરશે.
સીતારમને કહ્યું હતું કે જમીન, શ્રમ, મૂડી અને ઉદ્યોગસાહસિકતા જેવા ઉત્પાદનમાં મહત્વની ભૂમિકા ભજવતા પરિબળો સહિત ડિજિટલ ઈન્ફ્રાસ્ટ્રક્ચર પર વિશેષ ભાર મૂકવામાં આવશે.

ઋઈંઈઈઈંના એક કાર્યક્રમમાં તેમણે કહ્યું હતું કે, ‘આગામી પેઢીના સુધારામાં, ઉત્પાદનમાં મહત્વપૂર્ણ ભૂમિકા ભજવતા તમામ મોરચે સુધારા કરવામાં આવશે. આમાં હું ડિજિટલ ફ્રેમવર્કનો પણ ઉલ્લેખ કરવા માંગુ છું, જે સુધારાના આગામી તબક્કામાં સામેલ કરવામાં આવશે. ઉત્પાદનમાં ફાળો આપતા પરંપરાગત પરિબળોમાં તેનો સમાવેશ કરવામાં આવ્યો નથી પરંતુ હવે તેનું મહત્વ અનેકગણું વધી ગયું છે.

સીતારમણે આ વર્ષે 1 ફેબ્રુઆરીએ વચગાળાનું બજેટ રજૂ કર્યું હતું. અગાઉની જાહેરાત મુજબ સરકારનો ભાર તિજોરીને મજબૂત કરવા પર રહ્યો હતો. એવું માનવામાં આવે છે કે આનાથી સરકારને 2025-26 સુધીમાં રાજકોષીય ખાધને કુલ સ્થાનિક ઉત્પાદન (ૠઉઙ)ના 4.5 ટકાથી નીચે રાખવામાં મદદ મળશે.

નાણાકીય વર્ષ 2024-25માં સરકારની રાજકોષીય ખાધ જીડીપીના 5.1 ટકા રહેવાનો અંદાજ છે. ચાલુ નાણાકીય વર્ષમાં તે જીડીપીના 5.8 ટકા હોઈ શકે છે.

વચગાળાના બજેટમાં (વોટ ઓન એકાઉન્ટ) આવક અને ખર્ચના સંચાલન અને નવી સરકારની રચના સુધી વહીવટ ચલાવવા માટે નાણાકીય જોગવાઈઓની જાહેરાત કરવામાં આવી હતી. એપ્રિલ-મેમાં સામાન્ય ચૂંટણીઓ પૂર્ણ થયા પછી, નવી સરકાર ચાલુ નાણાકીય વર્ષના બાકીના સમયગાળા માટે સંપૂર્ણ બજેટ રજૂ કરશે. આર્થિક સુધારાને વેગ આપવા માટે સરકાર રાજયોને 50 વર્ષ માટે વ્યાજમુક્ત લોન આપવાની પણ જાહેરાત કરશે.