મંદિર પાસેથી અમદાવાદ પાસીંગની કાર કબ્જે: રૂપિયા 2.82 લાખનો મુદ્દામાલ પકડતી પોલીસ
ખાસ-ખબર ન્યૂઝ મોરબી, તા.6
મોરબીના આમરણથી જામનગર હાઇવે દારૂનો જથ્થો ભરેલ કાર પસાર થવાની છે તેવી હક્કિત મળી હતી જેના આધારે પોલીસે વોચ રાખી હતી અને મળેલ બાતમી વાળી કાર નીકળતા પોલીસે તેનો પીછો કર્યો હતો પણ મંદિર પાસે કારનો અકસ્માત થતાં તેનો ચાલક કારને છોડીને નાસી ગયો હતો જેથી પોલીસ દ્વારા તે કારને ચેક કરવામાં આવતા તેમાંથી દારૂની નાની મોટી કુલ મળીને 186 બોટલો મળી આવતા પોલીસે દારૂનો જથ્થો થતા કાર મળીને 2,89,232 ની કિંમતનો મુદ્દામાલ કબજે કર્યો હતો તાલુકા પોલીસ સ્ટેશન ખાતે કાર ચાલક સામે ગુનો નોંધીને આરોપીને પકડવા માટે તજવીજ શરૂ કરેલ છે.
- Advertisement -
તાલુકા પોલીસની ટીમ પેટ્રોલિંગમાં હતી ત્યારે આમરણ જામનગર હાઇવે રોડ ઉપરથી દારૂ ભરેલ કાર પસાર થવાની છે તેવી હક્કિત મળી હતી જેથી કરીને વોચ રાખવામા આવી હતી અને મળેલ બાતમી મુજબની કાર નીકળી હતી જેથી તેનો પોલિસે પીછો કર્યો હતો દરમ્યાન કારનો મેલડી માતાજીના મંદિર પાસે અકસ્માત થતાં કારનો ચાલક તેનું વાહન છોડીને નાસી ગયો હતો અને ત્યાર બાદ પોલીસે કાર નંબર જીજે 1 કેએચ 0302 ને ચેક કરી હતી.
તેમાંથી દારૂની 48 મોટી બોટલ અને 138 નાની બોટલ આમ કુલ 186 બોટલ દારૂ મળી આવ્યો હતો જેથી 2 લાખ રૂપિયાની કિંમતની ગાડી અને 89,232 ની કિંમતનો દારૂ આમ કુલ મળીને 2,89,232 ની કિંમતનો મુદ્દામાલ કબજે કર્યો છે. હાલમાં કાર છોડીને નાસી છૂટેલ કાર ચાલક સામે તાલુકા પોલીસ સ્ટેશન ખાતે ગુનો નોંધીને પોલીસે આગળની કાર્યવાહી હાથ ધરી છે.
