હળવદમાં બે માથાભારે શખ્સો વિરુદ્ધ પોલીસ દ્વારા ડીમોલિશનની કામગીરી કરવામાં આવી

ખાસ-ખબર ન્યૂઝ મોરબી, તા.3
હળવદમા વ્યાજવટાવ તથા મારામારીના ગુનામાં સંડોવાયેલ બે અસામાજીક ગુંડા તત્વો વિરુધ્ધ હળવદ પોલીસ દ્વારા ડિમોલેશનની કાર્યવાહી કરવામાં આવી હતી. હળવદ પોલીસ સ્ટેશન વિસ્તારમાં રહેતા અસામાજીક તત્વોની યાદી તૈયાર કરેલ જેમાં અગાઉ અસામાજીક પ્રવૃતીઓ ચોરી/ મારામારી/ દારૂ વેચાણ/ લૂંટ જેવા ગુનાઓમાં સાથે સંડોવાયેલ કુલ આરોપી-10 ના ગેરકાયદેસર દુકાન/ મકાન/ હોટેલ ડિમોલેશન કરવામાં આવેલ તેમજ ઙૠટઈક દ્વારા કુલ આરોપી-8 વિરુધ્ધમાં રોકડ દંડ રૂ. 11,95,000/- જેટલો કરવામાં આવેલ છે તેમજ આજે પણ વ્યાજવટાવ તથા મારામારી/ લૂંટના ગુનાઓમાં સંડોવાયેલા બે ઇસમો બટુકભાઇ બાબુભાઇ કાંકરેચા રહે હળવદ માર્કેટ યાર્ડની સામે હળવદ વાળાના રહેણાંક મકાનમાં કુલ જમીન આશરે 669 ચોરસ મીટર કિ.રૂ.11,37, 300 ના મકાનનું ડીમોલેશન કરવામાં આવ્યું હતું અને રાજેન્દ્રસિંહ દિલીપભાઇ લીંબોલા રહે ગામ ઘનશ્યામપુર તા. હળવદવાળાએ સરકારી કુલ જમીન આશરે 4046 ચોરસ મીટર કિ.રૂ.69,99,580 ની જમીન પર કબ્જો કરેલ જે ખાલી કરી મિલ્કત અંગે જે તે લગત વિભાગ સાથે સંકલન કરી કાર્યવાહી કરવામાં આવેલ છે.