આંતરરાષ્ટ્રીય બજારમાં ક્રૂડ ઓઇલ પ્રતિ બેરલ 92 પર પહોંચ્યું, 7 મહિનામાં સૌથી નીચલા સ્તરે
ખાસ-ખબર સંવાદદાતા
ઇન્ટરનેશનલ માર્કેટમાં કાચા તેલ (ક્રૂડ)ના ભાવ 7 મહિનાના નીચલા સ્તર પર પહોંચી ગયા છે. અત્યારે ક્રૂડના ભાવ 92 ડોલર પ્રતિ બેરલ છે અને એક્સપોર્ટ કિંમતો આગળ ઘટવાનું અનુમાન છે. એવામાં આવનારા દિવસોમાં પેટ્રોલ-ડીઝલના ભાવ 3 રૂપિયા પ્રતિ લિટર ઓછા થઈ શકે છે. એના પહેલાં ફેબ્રુઆરીમાં ક્રૂડ ઓઇલ 90 ડોલર પ્રતિ બેરલ હતું, જે જૂનમાં 125 ડોલર પ્રતિ બેરલ સુધી સુધી પહોંચી ગયું હતું.
- Advertisement -
ઈંઈંઋક સિક્યોરિટીઝના પ્રેસિડન્ટ (કોમોડિટી એન્ડ કરન્સી) અનુજ ગુપ્તાના અનુસાર, આવનારા દિવસોમાં ક્રૂડ 85 ડોલર પ્રતિ બેરલ પર આવી શકે છે. એવામાં પેટ્રોલ અને ડીઝલની કિંમતોમાં 2થી 3 રૂપિયા પ્રતિ લિટરે ઘટાડો આવી શકે છે. રેટિંગ એજન્સી ઇક્રાના વાઇસ-પ્રેસિડન્ટ અને કો-ગ્રુપ હેડ પ્રશાંત વશિષ્ઠના અનુસાર, કાચું તેલ 1 ડોલર પ્રતિ બેરલ મોંઘું થવાથી દેશમાં પેટ્રોલ-ડીઝલની કિંમત 55-60 પૈસા પ્રિત લિટર વધી જાય છે. એવી રીતે 1 ડોલર ઘટવાથી પેટ્રોલ-ડીઝલના ભાવ 55-60 પૈસા પ્રતિ લિટર ઘટી જોય છે.ઇન્ટરનેશનલ માર્કેટમાં ક્રૂડની કિંમતો જૂનમાં 125 ડોલરની આસપાસ પ્રતિ ડોલર હતી, જે સપ્ટેમ્બરના પ્રથમ વીકમાં 92 ડોલર પ્રતિ બેરલ પર પહોંચી ગઈ. એ હિસાબે ક્રૂડ લગભગ 26% ઓછી થઈ ચૂકી છે. ચીન અને યુરોપના કેટલાક દેશોની અર્થવ્યવસ્થાઓ દબાણમાં છે. એવામાં આગળ પર ક્રૂડની ડિમાન્ડ કમજોર રહી શકે છે.
22 મેએ કેન્દ્ર સરકારે મોટી રાહત આપતાં પેટ્રોલ અને ડીઝલ પર એક્સાઇઝ ડ્યૂટી ઓછી કરી હતી. પેટ્રોલ પર એક્સાઇઝ ડ્યૂટી 8 રૂપિયા અને ડીઝલ પર 6 રૂપિયા ઘટાડ્યા છે. ત્યારથી લઈને આજ સુધી પેટ્રોલ-ડીઝલની કિંમત ન તો ઘટી છે અને ન તો ભાવ વધ્યા છે.
ભારત જરૂરિયાતનું 85% ક્રૂડ ઓઇલ ઇમ્પોર્ટ કરે છે
આપણે આપણી જરૂરિયાતનું 65%થી વધુ ક્રૂડ ઓઇલ બહારથી ખરીદીએ છીએ. એની કિંમત આપણે ડોલરમાં ચૂકવવી પડે છે. એવામાં ક્રૂડ ઓઇલની કિંમત વધવાથી અને ડોલરની મજબૂતાઇથી પેટ્રોલ-ડીઝલ મોંઘું થાય છે. ક્રૂડ ઓઇલ બેરલમાં આવે છે. એક બેરલ એટલે કે 159 લિટર ક્રૂડ ઓઇલ થાય છે.
