આજે સંસદના ચોમાસા સત્રનો ત્રીજો દિવસ છે. બુધવારે ત્રીજા દિવસની કાર્યવાહી શરૂ થતાં જ લોકસભામાં વિપક્ષનો ભારે હોબાળો જોવા મળી રહ્યો છે. તે જ સમયે રાજ્યસભામાં ઉપસભાપતિ હરિવંશ ખુરશી પર બેઠા છે. બીજી તરફ વરસાદ વચ્ચે સંસદ પરિસરમાં વિપક્ષનો વિરોધ પણ ચાલી રહ્યો છે. અગાઉ રાજ્યસભાના અધ્યક્ષ જગદીપ ધનખડે 21 જુલાઈના રોજ ઉપરાષ્ટ્રપતિ પદ પરથી રાજીનામું આપ્યું હતું, જેની ખૂબ ચર્ચા થઈ હતી.
રાજ્યસભા મંગળવારે ઓપરેશન સિંદૂર પર ચર્ચા કરાશે, 16 કલાકનો સમય નક્કી
રાજ્યસભા મંગળવારથી ઓપરેશન સિંદૂર પર ચર્ચા કરશે. આ નિર્ણય બિઝનેસ એડવાઇઝરી કમિટીની બેઠકમાં લેવામાં આવ્યો હતો. ઉપલા ગૃહમાં ઓપરેશન સિંદૂર પર ચર્ચા માટે 16 કલાકનો સમય નક્કી કરવામાં આવ્યો છે. અગાઉ રાજ્યસભામાં નવ કલાક અને લોકસભામાં 16 કલાક ચર્ચાની ચર્ચા થઈ હતી.
- Advertisement -
લોકસભામાં રાષ્ટ્રીય રમતગમત શાસન અને ડોપિંગ વિરોધી બિલ રજૂ કરવામાં આવ્યું
લોકસભામાં હોબાળા વચ્ચે બે બિલ રજૂ કરવામાં આવ્યા હતા. કેન્દ્રીય રમતગમત મંત્રી મનસુખ માંડવિયાએ રાષ્ટ્રીય રમતગમત શાસન બિલ અને રાષ્ટ્રીય ડોપિંગ વિરોધી (સુધારા) બિલ 2025 લોકસભામાં રજૂ કર્યું. કેન્દ્રીય મંત્રી મનસુખ માંડવિયાએ આ બિલ ગૃહમાં વિચારણા અને પસાર કરવા માટે રજૂ કર્યું. વિપક્ષના સભ્યો વેલમાં સૂત્રોચ્ચાર કરી રહ્યા છે.
રાજ્યસભાની કાર્યવાહી બપોરે 2 વાગ્યા સુધી સ્થગિત
હંગામાને કારણે રાજ્યસભાની કાર્યવાહી શરૂ થયાના બે મિનિટમાં જ બપોરે 2 વાગ્યા સુધી સ્થગિત કરવામાં આવી છે. આ દરમિયાન હોબાળા વચ્ચે લોકસભાની કાર્યવાહી ચાલી રહી છે.
