જાંબુરના પદ્મશ્રી હીરાબાઈ લોબીનું સન્માન કરાયું

ખાસ-ખબર સંવાદદાતા
ગીર સોમનાથ ભારત સરકાર દ્વારા 74માં પ્રજાસત્તાક પર્વની પૂર્વસંઘ્યાએ સીદી આદિવાસી સમુદાયનાં ઉત્થાન અને વિકાસ માટે સિંહફાળો આપનાર ગીર-સોમનાથ જિલ્લાનાં જાંબુરના વતની હીરાબાઈ લોબીને સમાજસેવા બદલ પદ્મશ્રી એવોર્ડ એનાયત કરવાની જાહેરાત થઈ હતી. આ તકે જાંબુર ગામે પ્રાયોજના અધિકારી ઈ.ચા ધ્રુવરાજસિંહ મહેન્દ્રસિંહ જાડેજા અને પ્રાયોજના અધિકારી આદીમજુથ કચેરી સમગ્ર સ્ટાફ તાલાલા દ્વારા હીરાબાઈ લોબીની શુભેચ્છા મુલાકાત કરી હતી અને પુષ્પગુચ્છ આપી સન્માનિત કરાયા હતાં.