જિલ્લા કરાટે ચેમ્પિયનશીપમાં દર્શન શાળાનું ઉત્કૃષ્ટ પ્રદર્શન

ખાસ-ખબર સંવાદદાતા
ગુજરાત વાડો કાય કરાટે એસોસિએશન દ્વારા વેસ્ટર્ન ઝોન પ્રેસિડેન્ટ સીહાન પ્રવીણ ચૌહાણના નેજા હેઠળ ઇન્ટર ડિસ્ટ્રીક્ટ કરાટે સ્પર્ધાનું આયોજન 11 ડિસેમ્બરનાં રોજ ગીર-સોમનાથ સાગર દર્શન ઓડીટોરીયમ ખાતે કરાયું હતું. જેમાં જૂનાગઢ જિલ્લા અને ગીર સોમનાથ જિલ્લાની 35 શાળામાંથી 450 જેટલાં છાત્રોએ ભાગ લીધો હતો. વેરાવળની દર્શન શાળા માંથી કુલ 15 વિદ્યાર્થીઓએ ભાગ લીધો હોય જેમાંથી 13 વિદ્યાર્થીઓ વિજેતા થઈ શાળાનું ગૌરવ વધારેલ હતું. જેમાં ઊીંળશયિં (ફાઇટ) માં પ્રથમ નંબરે કક્કડ નિશિથ, સોલંકી આર્ય, ભરડવા જય અને માલમડી ધ્રુવી પ્રથમ નંબરે વિજેતા થયા હતા. જ્યારે અન્ય ઇવેન્ટમાં શાળાના 9 વિદ્યાર્થીઓ દ્વિતીય અને તૃતીય ક્રમે વિજેતા થઈ શાળાનું ગૌરવ વધારેલ હતું. વિજેતા થનાર છાત્રોને તેમની સિદ્ધી બદલ શાળાનાં પ્રમુખ ભૂપેન્દ્ર વિઠલાણી દ્વારા શુભેચ્છા પાઠવવામાં આવી હતી અને વિદ્યાર્થીઓ સતત ઉત્તરોત્તર પ્રગતિ કરે તે માટે પ્રોત્સાહિત કરવામાં આવેલ હતા.