મુંબઈમાં પ્રદૂષણ રોકવા સરકારની મોટી કાર્યવાહી
પર્યાવરણ મંત્રી પંકજા મુંડેએ વિધાનસભામાં જાહેર કર્યું: ક્લિન એર અભિયાન હેઠળ કડક કાર્યવાહી
- Advertisement -
ખાસ-ખબર ન્યૂઝ મુંબઈ
મહારાષ્ટ્ર સરકારે મુંબઈમાં વધતા વાયુ પ્રદૂષણને રોકવા માટે મોટું પગલું ભર્યું છે. પર્યાવરણ મંત્રી પંકજા મુંડેએ વિધાનસભામાં જાહેરાત કરી કે 1000થી વધુ ક્ધસ્ટ્રક્શન સાઇટ્સને કામ રોકવાની (સ્ટોપ-વર્ક) નોટિસ જારી કરવામાં આવી છે. આ કાર્યવાહી ‘ક્લીન એર કેમ્પેઇન’ હેઠળ કરવામાં આવી છે, જેમાં પર્યાવરણીય નિયમોનું ઉલ્લંઘન કરનાર સાઇટ્સ પર સખ્તી અપનાવવામાં આવી છે.
અધિકારીઓ અનુસાર, ઓક્ટોબર 2025થી જાન્યુઆરી 2026 દરમિયાન કુલ 1,981 કારણ બતાવો (શો-કોઝ) નોટિસ જારી કરવામાં આવ્યા હતા અને 1,047 સાઇટ્સને કામ બંધ કરવાનો આદેશ આપવામાં આવ્યો હતો.
મુંબઈમાં કુલ 2,224 સક્રિય ક્ધસ્ટ્રક્શન પ્રોજેકટ્સમાંથી 1,952 (લગભગ 88%) પર લો-કોસ્ટ એર ક્વોલિટી સેન્સર લગાવવામાં આવ્યા છે. સેન્સર ન લગાવવાને કારણે 16 જાન્યુઆરીએ 678 પ્રોજેક્ટ્સનું કામ બંધ કરવામાં આવ્યું હતું.
ક્ધસ્ટ્રક્શન સાઇટ્સ પરથી ધૂળ અને પ્રદૂષણ ફેલાતું હોવાને કારણે આ કાર્યવાહી કરવામાં આવી છે. બૃન્હ મુંબઈ મ્યુનિસિપલ કોર્પોરેશન (ઇખઈ)ના 25 વોર્ડ-સ્તરીય ફ્લાઇંગ સ્ક્વોડ્સ દ્વારા ગેરકાયદેસર મલબા લઈ જવા પર કાર્યવાહી કરવામાં આવી છે અને 1.21 લાખ રૂપિયાથી વધુ દંડ વસૂલ કરવામાં આવ્યો છે.
ધૂળની સમસ્યા નિવારવા માટે 126 પાણીના ટેન્કર અને 25 મિસ્ટિંગ મશીનો તૈનાત કરવામાં આવ્યા છે, જેનાથી 14,408 કિલોમીટર સડકોની સફાઈ કરવામાં આવી છે.
પર્યાવરણ મંત્રી પંકજા મુંડેએ જણાવ્યું કે ઉલ્લંઘન કરનારાઓ સામે કડક કાર્યવાહી કરવામાં આવી રહી છે. પહેલા સૂચના, પછી કારણ બતાવો નોટિસ અને તેમ છતાં નિયમ ન માનવામાં આવે તો કામ બંધ કરવાનો આદેશ આપવામાં આવે છે.
તેમણે ભાર મૂક્યો કે ઇખઈ અને નવી મુંબઈ મ્યુનિસિપલ કોર્પોરેશન (ગખખઈ)ના અહેવાલ મુજબ પ્રદૂષણને કારણે જાહેર આરોગ્ય પર કોઈ પ્રતિકૂળ અસર નથી. હવાની ગુણવત્તા સંતોષજનક (અચઈં 51-100)થી મધ્યમ (101-200) સ્તરે છે અને બાળકો તેમજ વૃદ્ધો માટે કોઈ આપાત્તિ નથી.
