હવામાન વિભાગ દ્વારા સોમવારના દિવસને લઇ આગાહી કરવામાં આવી છે. જેમાં 9 જિલ્લામાં ઓરેન્જ એલર્ટ અને 7 જિલ્લામાં યલો એલર્ટની આગાહી હવામાન વિભાગ દ્વારા કરવામાં આવી છે. જોકે અમદાવાદ શહેરમાં સવારથી જ વરસાદ પડવાનો શરૂ થઇ ગયો હતો.
આજે વહેલી સવારથી અમદાવાદ શહેરના વાતાવરણમાં પલટો આવ્યો છે. જેમાં અમદાવાદ શહેરના મોટાભાગના વિસ્તારોમાં વીજળીના કડાકા-ભડાકા સાથે વરસાદ શરૂ થયો હતો. શહેરના કેટલાક વિસ્તારોમાં ધોધમાર વરસાદ પણ વરસ્યો હતો. જેના કારણે લોકોને તકલીફ વેઠવાની વારી આવી હતી.
- Advertisement -
7 જિલ્લાઓમાં યલો એલર્ટ
આજે હવામાન વિભાગ દ્વારા કરવામાં આવેલ આગાહીની વાત કરવામાં આવે તો 9 જિલ્લામાં ઓરેન્જ એલર્ટ જાહેર કરવામાં આવ્યું હતુ. ઉપરાંત 7 જિલ્લાઓમાં યલો એલર્ટ હવામાન વિભાગે જાહેર કર્યું છે. ત્યારે સવારથી પડી રહેલા વરસાદના કારણે રાજ્યના અમુક વિસ્તારોમાં પાણી ભરાઇ જવા પામ્યા છે.
રાજ્યના અમદાવાદ, ગાંધીનગર, ખેડા, ભરૂચ, નર્મદા, સુરત, તાપી, નવસારી, વલસાડમાં ઓરેન્જ એલર્ટ હવામાન વિભાગ દ્વારા જાહેર કરવામાં આવ્યું હતુ.
- Advertisement -
આ વિસ્તારોમાં હળવી ગાજવીજ સાથે પવનની ગતિ 40 કિલોમીટર પ્રતિકલાકથી ઓછી રહેવાની સંભાવના સાથે મધ્યમ વરસાદની આગાહી કરવામાં આવી છે. જ્યારે અરવલ્લી, મહીસાગર, પંચમહાલ, દાહોદ, આણંદ, ભાવનગર અને ડાંગમાં યલો એલર્ટ જાહેર કરવામાં આવ્યું છે.
