દિગ્ગજ કલાકાર વૈજયંતીમાલાએ પોતાના 90માં બર્થડે પર 4 મીનિટનું ભરતનાટ્યમ પર્ફોર્મન્સ આપીને સૌને પોતાની એનર્જીથી ચોંકાવી દીધું હતું. જુઓ વીડિયો.
વૈજયંતીમાલા પહેલી એવી સાઉથ એક્ટ્રેસ હતી જેમણે બોલીવુડમાં સૌથી પહેલા પગ મૂક્યો હતો. તમિલ સિનેમાથી શરૂઆત કરનારી દિગ્ગજ ભરતનાટ્યમ્ કલાકાર વૈજયંતીમાલાનો એક એવો જમાનો હતો જ્યારે તેમણે મીના કુમારી, મધુબાલા, નરગિસ, સુચિત્રા સેન, વહીદા રહમાન વગેરેને પાછળ મૂકી દીધાં હતાં. સાઉથથી બોલીવુડમાં આવીને વર્ષો સુધી રાજ કર્યું પરંતુ કરિયરનાં પીકમાં આવીને બધું જ છોડી દીધું. આજે 90 વર્ષીય વૈજયંતીમાલાએ 4 મીનિટ સુધી સળંગ ભરતનાટ્યમ કરીને બધાંને ચોંકાવી દીધું છે. જુઓ.
- Advertisement -
વીડિયો થયો વાયરલ
એક્ટ્રેસ વૈજયંતીમાલાએ 13 ઑગસ્ટનાં પોતાનો 90મો બર્થડે સેલિબ્રેટ કર્યો. આ અવસર પર તેમણે 4 મીનિટનું ભરતનાટ્યમ ડાંસ કર્યું. આ વીડિયોમાં 90 વર્ષની ઉંમરમાં પણ સુંદરરીતે ડાંસ કરતી વૈજયંતીમાલા લોકોને મંત્રમુગ્ધ કરતી દેખાઈ રહી છે. એક્ટ્રેસે ટ્રેડિશનલ ડાંસની મુદ્રાઓ એક્સપ્રેશન્સની સાથે દર્શાવી હતી.
Vyjayanthimala turned 90.
She is fit and dancing with elegance.💜 pic.twitter.com/95CjcdhWqt
— Shivani (@Astro_Healer_Sh) August 26, 2023
- Advertisement -
આ રીતે 13 વર્ષની વૈજયંતીમાલાની થઈ શરૂઆત
વર્ષ 1940નાં અંતમાં AVM પ્રોડક્શનથી એવી મયપ્પા ચેટ્ટિયાર અને નિર્માતા-નિર્દેશક એવી રમન એક યુવા ભરતનાટ્યમ નૃત્યનાં કાર્યક્રમમાં જોડાવા મદ્રાસ એટલે કે ચેન્નઈનાં ગોખલે હોલમાં ગયાં હતાં. ત્યાં 13 વર્ષની બાળકીનો ચહેરો, હાવભાવ, કલાને જોઈને પ્રભાવિત થઈ ગયાં. તેમણે એ બાળકીને પોતાની ફિલ્મ ‘વાજકઈ’માં કાસ્ટ કર્યું. આ સાઉથની અભિનેત્રી એટલે કે વૈજયંતીમાલાએ બોલીવુડમાં ગદર મચાવી દીધી. તેમણે 1951ની સાલમાં બોલિવુડમાં એન્ટ્રી લીધી હતી.
50-60નાં દશકામાં બનાવ્યો દબદબો
વૈજયંતીમાલા એવી પહેલી સાઉથ એક્ટ્રેસ બની હતી જેમણે બોલીવુડમાં સૌથી પહેલા એન્ટ્રી કરી. તમિલ સિનેમાથી પોતાનાં સફરની શરૂઆત કરતાં તેમણે હિંદી સિનેમા પર પણ કબ્જો જમાવ્યો અને 50-60નાં દશકામાં મીના કુમારી, મધુબાલા, નરગિસ, સુચિત્રા સેન, વહીદા રહમાન, માલા સિન્હા અને નૂતનને પાછળ મૂકીને તમામ દિલો પર રાજ કર્યું. પ્રતિસ્પર્ધાની ચિંતા કર્યા વગર તેમણે પોતાના કરિયર પર ફોકસ કર્યો. પરંતુ પોતાના કરિયરનાં પીક સમયે તેમણે બધું જ છોડી દીધું હતું.
