એક બાજુ બિહારમાં પાંચમા તબક્કાનું મતદાન, તો બીજી બાજુ બે પક્ષો વચ્ચે ગોળીબાર

બિહારની સારણ લોકસભા સીટ પર સોમવારે પાંચમા તબક્કાનું મતદાન થયું હતું અને તેના એક દિવસ બાદ આજે એટલે કે મંગળવારે હિંસાના સમાચાર સામે આવી રહ્યા છે. બિહારમાં આજે બંને પક્ષો વચ્ચે ગોળીબાર થયો હતો, જેમાં એક વ્યક્તિનું મોત થયું છે અને બે ઘાયલ થયા છે.

મંગળવારે બંને પક્ષો વચ્ચે ગોળીબાર થયો હતો

રોહિણી આચાર્ય સારણ લોકસભા સીટથી ચૂંટણી લડી રહી છે

ઇન્ટરનેટ પણ બે દિવસ બંધ કરવામાં આવ્યું

સોમવારે મતદાન દરમિયાન આરજેડી ઉમેદવાર રોહિણી આચાર્ય પણ છપરાના ભીખારી ઠાકુર ચોક વિસ્તારમાં પહોંચી હતી. આ દરમિયાન હોબાળો પણ થયો હતો. ઘટના બાદ સારણના એસપીએ કહ્યું કે, “RJD અને બીજેપી કાર્યકર્તાઓ વચ્ચે વિવાદ થયો હતો. આજે કેટલાક લોકોએ તેને લઈને ગોળીબાર કર્યો છે. કાર્યવાહી કરવામાં આવી રહી છે અને અહીં ઇન્ટરનેટ પણ બે દિવસ બંધ કરવામાં આવ્યું છે.”