વાવ-થરાદને મળ્યા નવા SP, કલેક્ટર અને ડીડીઓ સહિતના અધિકારીઓ

ગુજરાત સરકારે અઠવાડિયા પહેલાં જ વાવ થરાદને નવો જિલ્લો જાહેર કર્યો હતો. ત્યારે આ નવરચિત વાવ-થરાદ જિલ્લામાં પોલીસ અધિક્ષક, કલેક્ટર અને ડીડીઓની નિયુક્તિ કરાઈ છે. વાવ થરાદવાસીઓને જાણે નવરાત્રિની ભેટ મળી છે. રાજ્ય સરકારે નવરચિત વાવ-થરાદ જિલ્લાને તેમના પ્રથમ પોલીસ અધિક્ષક (SP) મળ્યા છે. બોટાદના હાલના SP ચિંતન તેરૈયાની વાવ-થરાદના પ્રથમ SP તરીકે નિમણૂક કરવામાં આવી છે. જ્યારે જિલ્લાના કલેક્ટર પદે જે.એસ. પ્રજાપતિની નિયુક્તિ કરી છે. 2014ની બેચના આઇએએસ ઉપરાંત મોરબીના ડીડીઓ જે.એસ. પ્રજાપતિને બઢતી આપીને કલેક્ટર તરીકે નિમણૂક કરવામાં આવી છે.