CUET UGના રિઝલ્ટ પહેલા NTA નો મોટો નિર્ણય: 1000 ઉમેદવારોની યોજાશે ફરી પરીક્ષા

NTA એ 7 જુલાઈના રોજ CUET UG 2024ની પ્રોવિઝનલ આન્સર કી બહાર પાડી હતી જેમાં એજન્સીએ ઉલ્લેખ કર્યો હતો કે…….

CUET UGના પરિણામ પહેલા હવે એક મોટી અપડેટ સામે આવી છે. વિગતો મુજબ ઘણી પરીક્ષાઓ મુલતવી અને રદ કરવામાં આવ્યા પછી નેશનલ ટેસ્ટિંગ એજન્સી (NTA) એ લગભગ 1,000 ઉમેદવારો માટે 19 જુલાઈના રોજ CUET UG લેવાનું નક્કી કર્યું છે. NTA એ 7 જુલાઈના રોજ CUET UG 2024 ની પ્રોવિઝનલ આન્સર કી બહાર પાડી હતી જેમાં એજન્સીએ ઉલ્લેખ કર્યો હતો કે, જો વિદ્યાર્થીઓ દ્વારા પરીક્ષાના આચરણ અંગે કરવામાં આવેલી કોઈપણ ફરિયાદ સાચી હોવાનું જાણવા મળે છે તો તે 15 થી 19 જુલાઈના મધ્યમાં સીયુઈટી યુજી કેન્ડિડેટ્સ માટે પુનઃ પરીક્ષા હાથ ધરશે.

NTAના એક વરિષ્ઠ અધિકારીએ જણાવ્યું કે, CUET UG રિટેસ્ટ ઓનલાઈન મોડમાં લેવામાં આવશે. જેઓ પુનઃપરીક્ષા માટે હાજર થયા તેમાં Oasis Public School, Hazaribagh ના લગભગ 250 ઉમેદવારોનો સમાવેશ થાય છે જે NEET UG લીકની શંકા હેઠળ છે. આ કેન્દ્રના તમામ ઉમેદવારોને 19મી જુલાઈએ ફરીથી પરીક્ષા આપવા સૂચના આપવામાં આવી છે.અન્ય કારણોમાં સમયની ખોટ અને ખોટી ભાષામાં પેપર્સ વિતરણનો સમાવેશ થાય છે.

19 જુલાઈના રોજ રિટેસ્ટ કર્યા પછી NTA સંભવતઃ 22 જુલાઈ સુધીમાં પરિણામ જાહેર કરશે. CUET UG પરીક્ષા મૂળ 15 થી 24 મે વચ્ચે યોજાવાની હતી. 14 મેના રોજ NTA એ લોજિસ્ટિક્સ સમસ્યાઓને ટાંકીને દિલ્હીના તમામ કેન્દ્રોમાં પરીક્ષા 15 મે સુધી મુલતવી રાખી હતી. આ પછી 19 મેના રોજ પરીક્ષા લેવામાં આવી હતી. જ્યારે મૂળરૂપે CUET UG પરિણામો 30 જૂનના રોજ જાહેર થવાના હતા, NTA એ પરિણામોમાં વિલંબ કર્યો કારણ કે તે NEET UG, UGC NET અને CSIR UGC NET સંબંધિત પેપર લીકના આરોપો સાથે ઝંપલાવ્યું હતું.

CUET UG એ દિલ્હી યુનિવર્સિટી, અલ્હાબાદ યુનિવર્સિટી અને બનારસ હિન્દુ યુનિવર્સિટી સહિત 46 કેન્દ્રીય યુનિવર્સિટીઓમાં મોટાભાગના અંડરગ્રેજ્યુએટ પ્રોગ્રામ્સમાં પ્રવેશ માટેની સિંગલ વિન્ડો પરીક્ષા છે. પ્રથમ વખત આ વર્ષે પ્રવેશ પરીક્ષા હાઇબ્રિડ ફોર્મેટમાં-ઓનલાઈન તેમજ પેન-અને-પેપર મોડમાં બહુવિધ શિફ્ટમાં લેવામાં આવી હતી.