આટલા અનુભવી મુખ્યમંત્રીએ મંચ પર આવું કર્યું તે જોઈને શરમ આવી : તેજસ્વી યાદવ
ખાસ-ખબર ન્યૂઝ નવી દિલ્હી, તા.8
- Advertisement -
રવિવારે નવાદામાં પીએમ મોદીની ચૂંટણી રેલી યોજાઈ હતી. જેમાં સીએમ નીતિશ સહિત ગઉઅના ઘણા મોટા નેતાઓએ પણ ભાગ લીધો હતો. તેજસ્વી યાદવે આ રેલીનો એક વીડિયો શેર કર્યો છે. વીડિયોમાં પીએમ મોદી, સીએમ નીતિશ સહિત ઘણા નેતાઓ સ્ટેજ પર જોવા મળી રહ્યા છે.
આ દરમિયાન સીએમ નીતિશ પીએમ મોદીને શુભેચ્છા પાઠવતા જોવા મળે છે. તેજસ્વીએ વીડિયો શેર કરીને કહ્યું છે કે સીએમ નીતિશ પીએમ મોદીને પગે લાગી રહ્યા છે. નીતિશ કુમારે આટલા વયોવૃદ્ધ અને અનુભવી સીએમ તરીકે મંચ પર જે કર્યું તેનાથી અમે શરમ અનુભવીએ છીએ.
તેજસ્વીએ વધુમાં કહ્યું કે આ જોઈને અમને શરમ આવી રહી છે. શું સ્થિતિ બની ગઈ છે? તેથી જ હું કહું છું કે અટલ અને અડવાણી સમયની ભાજપ અલગ હતી. બગાહામાં ચૂંટણી સભામાં ભાગ લીધા બાદ તેજસ્વી પટના પરત ફર્યા હતા અને એરપોર્ટ પર આ વાતો કહી હતી.
તેજસ્વીએ વધુમાં કહ્યું કે નીતિશ જી ઘણાં સમયથી મુખ્યમંત્રી છે. દેશમાં આવા અનુભવી નેતા બીજો કોઈ નથી. ગુજરાતમાં ભૂકંપ આવ્યો ત્યારે મોદીજી મુખ્યમંત્રી બન્યા હતા. પરંતુ તે પહેલા નીતિશ કુમાર માત્ર બિહારના મુખ્યમંત્રી જ નથી બન્યા પરંતુ તેઓ ઘણી વખત કેન્દ્રીય મંત્રી પણ રહી ચુક્યા છે. આ એ જ નીતિશ કુમાર છે જે મોદીજીની થાળી ખેંચતા પણ ગભરાતા નથી. ગુજરાતના મુખ્યમંત્રી હતા ત્યારે મોદીજીએ બિહારમાં આવેલા પ્રચંડ પૂર માટે ફંડ મોકલ્યું હતું, જે નીતિશ કુમારે ગુજરાતને પરત આપી દીધી હતી. પરંતુ આજે મુખ્યમંત્રીએ મોદીજીને પગે પણ લાગવું પડે છે.
- Advertisement -
જેડીયુએ તેજસ્વીના નિવેદન પર વળતો પ્રહાર કર્યો અને તેજસ્વીને તાત્કાલિક અસરથી તેમના શબ્દો પાછા ખેંચવાની માગ કરી. જેડીયુના રાષ્ટ્રીય સચિવ રાજીવ રંજને દાવો કર્યો હતો કે તેજસ્વી જંગલરાજની પાર્ટીનો છે, જે અરાજકતાવાદીઓથી ભરેલી છે.વાસ્તવમાં વડાપ્રધાન નરેન્દ્ર મોદીએ રવિવારે નવાદામાં ચૂંટણી રેલીને સંબોધિત કરી હતી. જેમાં મુખ્યમંત્રી નીતિશ કુમારે પણ ભાગ લીધો હતો. આ ચૂંટણી સભાનો એક વીડિયો વાયરલ થઈ રહ્યો છે, જેમાં નીતિશ તેમના જાહેર સંબોધન પછી સ્ટેજ પર તેમની બાજુમાં બેસતા પહેલા પીએમ મોદીનું અભિવાદન કરતા જોવા મળ્યા હતા.
