હિજાબ બાબતે મુસ્લિમ પક્ષની જબરી ગુલાંટ

કુરાનનાં આધારે નહીં, મહિલા અધિકારોને આધારે નિર્ણય થવો જોઈએ…

અગાઉ મુસ્લિમ પક્ષે કુરાનનો સંદર્ભ આપ્યો હતો, હવે કહે છે કે, મહિલાઓનાં અધિકારની વાત છે!

હિજાબનાં વિવાદમાં મુસ્લિમ આગેવાનોની પીછેહઠ: કોર્ટમાં નીચાજોણું થયું

મુસ્લિમ મહિલાનું હિજાબ પહેરવું એ તેની ધાર્મિક માન્યતાઓ, અંતરાત્માનો અવાજ, સાંસ્કૃતિક જરૂરિયાત અથવા ઓળખ, સન્માન અને ગોપનીયતાના રક્ષણ માટે વ્યક્તિગત વિચારણાનો વિષય હોઈ શકે : સલમાન ખુર્શીદ

ખાસ-ખબર સંવાદદાતા
હિજાબ પ્રતિબંધ મામલે સુપ્રીમ કોર્ટમાં સુનાવણી ચાલી રહી છે. હવે સોમવારે મુસ્લિમ પક્ષે પોતાનો સૂર બદલ્યો અને કહ્યું કે હિજાબની જરૂરિયાતને કુરાન કરતાં મહિલાના અધિકાર તરીકે જોવી જોઈએ. તેના પર સુપ્રીમ કોર્ટે બદલાતી દલીલો પર એડવોકેટ પાસેથી જવાબ પણ માંગ્યો છે. અગાઉ મુસ્લિમ પક્ષે હિજાબને ઇસ્લામમાં જરૂરી ગણાવ્યો હતો.
સોમવારે મુસ્લિમ પક્ષના વરિષ્ઠ વકીલ યુસુફ એચ મુચાલા અને સલમાન ખુર્શીદે કહ્યું કે કોર્ટ અરબી ભાષામાં નિપુણ નથી, જેના કારણે તે કુરાનનું અર્થઘટન કરી શકતી નથી. તેણે દલીલ કરી હતી કે કોર્ટ દ્વારા હિજાબને તેની ગોપનીયતા, ગૌરવ અને ઓળખના રક્ષણ માટે મહિલાના અધિકાર તરીકે જોવું જોઈએ. જસ્ટિસ હેમંત ગુપ્તા અને જસ્ટિસ સુધાંશુ ધુલિયાની બેન્ચે આ મામલે સુનાવણી કરી હતી. હિજાબ કેસની સુનાવણી બુધવારે પણ ચાલુ રહેશે.

અગાઉ પાર્ટીએ કહ્યું હતું કે ઇસ્લામમાં હિજાબ જરૂરી છે. વકીલ મુછલા, જેઓ હવે ઇસ્લામમાં હિજાબની જરૂરિયાત અંગે તપાસ કરવા માંગતા નથી, તેમણે કહ્યું: ગોપનીયતા શરીર અને મન પરનો અધિકાર છે. અંતરાત્માનો અધિકાર અને ધર્મનો અધિકાર પૂરક છે. તેથી જ્યારે કોઈ મુસ્લિમ મહિલા હિજાબ પહેરવા માંગે છે, ત્યારે તે તેના સન્માન અને ગોપનીયતાને સુરક્ષિત રાખવાની સાથે સાથે તેને સશક્તિકરણની અનુભૂતિ કરાવવાની પસંદગીનું ફેબ્રિક છે.

ખુર્શીદ એમ પણ કહે છે કે મુસ્લિમ મહિલાનું હિજાબ પહેરવું એ તેની ધાર્મિક માન્યતાઓ, અંતરાત્માનો અવાજ, સાંસ્કૃતિક જરૂરિયાત અથવા ઓળખ, સન્માન અને ગોપનીયતાના રક્ષણ માટે વ્યક્તિગત વિચારણાનો વિષય હોઈ શકે છે. ભારત જેવા સાંસ્કળતિક રીતે વૈવિધ્યસભર દેશમાં, સાંસ્કળતિક પ્રથાઓનું સન્માન કરવાની જરૂર છે. મુસ્લિમ મહિલાઓ યુનિફોર્મ પહેરવાના નિયમથી વંચિત રહેવા માંગતી નથી. તેઓ તેમની સાંસ્કળતિક જરૂરિયાત અને વ્યક્તિગત પસંદગીના માનમાં સ્કાર્ફના રૂપમાં કાપડનો વધારાનો ટુકડો પહેરવા માંગે છે.

સર્વોચ્ચ અદાલતે મુચાલા પાસેથી તેના અલગ-અલગ મુદ્દાઓ અંગે ખુલાસો માંગ્યો છે. કોર્ટ અનુસાર, પહેલા તમે એ વાત પર ભાર મૂકયો કે હિજાબ એક ધાર્મિક અધિકાર છે. તમે હવે દલીલ કરી રહ્યા છો કે હિજાબ ધર્મ માટે જરૂરી છે કે નહીં તે નક્કી કરવા માટે કોર્ટે કુરાનનું અર્થઘટન કરવું જોઈએ નહીં. તમે દલીલ કરી રહ્યા છો કે આ કામ જરૂરી છે કે નહીં તે જાણવા માટે આ મામલો નવ જજની બેંચને મોકલવો જોઈએ.