જૂનાગઢમાં માર્ગો ઉપરથી માટીનાં ઢગલાં દુર કરાયા

 ખાસ ખબરમાં અહેવાલ પ્રસિધ્ધ થયા બાદ તંત્રની કામગીરી

ખાસ-ખબર સંવાદદાતા
જૂનાગઢ શહેરમાં ઠેરઠેર માર્ગો પર માટીનાં ઢગલા પડ્યા હતાં. આ અંગેનાં અહેવાલ ખાસ ખબરમાં પ્રસિધ્ધ થયા હતા. બાદ તંત્ર દ્વારા આ ઢગલા દુર કરવામાં આવ્યાં હતાં.

જૂનાગઢ શહેરમાં ભૂગર્ભ ગટરનું કામ ચાલી રહ્યું છે. જે જગ્યાએ ગટરનું કામ કરવામાં આવ્યું ત્યાં રસ્તા રિપેર કરવામાં આવ્યાં હતા. રિપેર કરેલા રસ્તા પરથી વાહન ચાલકો પસાર ન થાય તે માટે માટીનાં ઢગલા કરી રસ્તા બંધ કરવામાં આવ્યા હતાં. જોકે લાંબો સમય થયા છતા માટીનાં ઢગલા જેમનાં તેમ પડ્યાં હતાં અને લોકોને હાલાકી પડી રહી હતી. આ અંગે ખાસ ખબરમાં અહેવાલ પ્રસિધ્ધ થયા હતા. આ અહેવાલ બાદ તંત્ર હરકતમાં આવી ગયું હતું અને માર્ગો પરથી માટીનાં ઢગલા દુર કરવામાં આવ્યાં હતાં અને રસ્તા શરૂ કરાયા હતાં.