ફિલ્મ ‘ધક ધક’નું ટ્રેલર રિલીઝ: સાત જ દિવસમાં કઇ રીતે પોતાની બાઇક ટ્રિપ પૂર્ણ કરશે

ફિલ્મ ‘ધક ધક’નું ટ્રેલર રિલીઝ કરવામાં આવ્યું છે. ફિલ્મમાં રત્ના પાઠક શાહ, દિયા મિર્ઝા, ફાતિમા સના શેખ અને સંજના સાંઘી મુખ્ય ભૂમિકામાં જોવા મળશે.

ફાતિમા સના શેખ છેલ્લા કેટલાક સમયથી તેની આગામી ફિલ્મ ‘ધક ધક’ને લઈને ચર્ચામાં છે. તાજેતરમાં જ ફિલ્મ ‘ધક ધક’નું ટ્રેલર રિલીઝ કરવામાં આવ્યું છે. ફિલ્મમાં રત્ના પાઠક શાહ, દિયા મિર્ઝા, ફાતિમા સના શેખ અને સંજના સાંઘી મુખ્ય ભૂમિકામાં જોવા મળશે.

RATNA PATHAK SHAH – DIA MIRZA – SANJANA SANGHI – FATIMA SANA SHAIKH: ‘DHAK DHAK’ TRAILER OUT NOW… 13 OCT RELEASE… #RatnaPathakShah, #DiaMirza, #SanjanaSanghi and #FatimaSanaShaikh star in #DhakDhak, which arrives in *cinemas* THIS FRIDAY [13 Oct 2023].#DhakDhakTrailer 🔗:… pic.twitter.com/AK8Sy2dqFQ

— taran adarsh (@taran_adarsh) October 9, 2023

આ ફિલ્મ બાઇકર મહિલાઓ પર આધારિત છે, જેઓ બાઇક દ્વારા લેહ લદ્દાખ જવાનું સપનું જુએ છે અને સાથે મળીને તેઓ એકબીજાની મદદથી તેમના સપનાને પૂરા કરવા તરફ આગળ વધે છે. ફિલ્મનું ટ્રેલર રિલીઝ થઈ ગયું છે અને તે સોશિયલ મીડિયા પર ઝડપથી વાયરલ થઈ રહ્યું છે.

ફિલ્મની વાર્તા 4 સામાન્ય મહિલાઓ પર આધારિત છે જેઓ એકસાથે પોતાના સપના પૂરા કરવા માટે વિશ્વની સૌથી અસાધારણ યાત્રા પર નીકળે છે. આ ચાર મહિલાઓ દિલ્હીથી લેહ ના ખારદુંગ લા સુધી બાઇક ટ્રીપ પર નીકળે છે. આ એક એવી સફર છે જે તેનું જીવન હંમેશ માટે બદલી નાખશે. ટ્રેલરમાં ચારેય અભિનેત્રીઓની શાનદાર કેમેસ્ટ્રી જોવા મળી રહી છે. આ ફિલ્મ મિત્રતા, પ્રેમ, સપના અને સંપૂર્ણ જીવન જીવવાની વાર્તા છે.

Hitting the roads tomorrow ❤️#DhakDhak in cinemas 13th October. pic.twitter.com/aJsv0kpjtt

— Viacom18 Studios (@Viacom18Studios) October 8, 2023

ફિલ્મ ‘ધક ધક’ 13 ઓક્ટોબર, 2023ના રોજ સિનેમાઘરોમાં રિલીઝ થશે. આ ફિલ્મનું નિર્દેશન તરુણ દુડેજાએ કર્યું છે. ફિલ્મની વાર્તા પારિજાત જોષીએ લખી છે. તાપસી પન્નુની આઉટસાઇડર્સ ફિલ્મ્સ અને વાયકોમ 18 સ્ટુડિયોએ BLM પિક્ચર્સ સાથે મળીને ‘ધક ધક’નું નિર્માણ કર્યું છે.

ફિલ્મ ‘ધક ધક’ ચાર મજબૂત પાત્રો અને અદભૂત લોકેશન્સની યાદગાર વાર્તા છે. ફિલ્મનું શૂટિંગ નવી દિલ્હી, ગ્રેટર નોઈડા, મનાલી, લેહ અને લદ્દાખમાં કરવામાં આવ્યું છે. જણાવી દઈએ કે તાપસીએ પહેલીવાર ફિલ્મ ‘બ્લર’થી ફિલ્મ પ્રોડક્શનમાં એન્ટ્રી કરી હતી અને ‘ધક ધક’ની પ્રોડ્યુસર તરીકે આ તેની બીજી ફિલ્મ છે.