મહિલાનું અપહરણ કરી ઇન્દોર લઇ જઈ ઘેની પ્રવાહી પીવડાવી શરીર સંબંધ બાંધી બગોદરા મૂકી ગયો
હથિયાર દેખાડી કોઈને કહીશ તો તને અને તારા પરિવારને મારી નાખીશ કહી ધમકી આપી હતી
- Advertisement -
ખાસ-ખબર ન્યૂઝ રાજકોટ
રાજકોટના ગાંધીગ્રામ પાસે રહેતી મહિલાને પાંચ વર્ષ પૂર્વે પ્રેમજાળમાં ફસાવી જન્મદિવસે મળવા બોલાવી મહિલાને ઘેની પ્રવાહી પીવડાવી દુષ્કર્મ આચર્યા બાદ તેણીએ સંબંધ તોડી નાખતા મહિલાનુ કારમાં અપહરણ કરી મારકુટ કરી હથીયાર બતાવી કોઈને કહીશ તો તને અને તારા પરીવારને જાનથી મારી નાખીશ તેવી ધમકી આપ્યાની ફરીયાદ ગાંધીગ્રામ પોલીસ મથકમાં નોંધાવવામાં આવતા ચકચાર મચીજવા પામી છે ઉપરોક્ત ગુનામાં પોલીસ આરોપીને શોધતી હતી ત્યારે જ એસઓજીની ટીમે વાછક પર બેડી ગામેથી નરાધમને દેશી પિસ્ટલ સાથે ઝડપી લઈ ધોરણસરની કાર્યવાહી હાથ ધરી છે.
રાજકોટના ગાંધીગ્રામ વિસ્તારમાં રહેતી મહિલાને પાંચેક વર્ષ પુર્વે ઘેર રિક્ષામાં મુકવા આવેલા વાછકપર ગામે રહેતા હરેશ મોતી જાદવ સાથે પરીચય થયો હતો દરમ્યાન બન્ને વચ્ચે મોબાઈલ નંબરની આપલે થઇ હતી અને બંને વાતો કરતા હતા બાદમાં પાંચેક વર્ષ પુર્વે મહિલાનો જન્મદિવસ હોય તેણીને મળવા માટે હરેશએ વાછકપર બેડી ગામે બોલાવી હતી અને ઘેની પ્રવાહી પીવડાવી તેણી સાથે દુષ્કર્મ આચર્યુ હતુ આ દુષ્કર્મથી ડઘાઈ ગયેલી મહિલાએ સંબંધ તોડી નાખતા ઉશ્કેરાયેલા હરેશએ ત્રણેક દિવસ પુર્વે એરપોર્ટની દિવાલ પાસેથી કારમાં અપહરણ કરી સંબંધ રાખવા માટે દબાણ કરી ઝઘડો કરી પિસ્તોલ બતાવી તને અને તારા પરીવારને જાનથી મારી નાખીશ તેવી ધમકી આપી હતી તેમજ ઈન્દોર તેના પરીચીતના ઘેર લઈ જઈ ઘેની પ્રવાહી પીવડાવી અર્ધ બેભાન જેવી હાલતમાં તેણીની મરજી વિરૂધ્ધ દુષ્કર્મ આચરી બીજા દિવસે બગોદરા પાસે કારમાંથી ઉતારી અને કોઈને આ વાત કરીશ તો તારા ખાનદાનને પતાવી દઈશ તેવી ધમકી આપી નાસી છૂટ્યો હતો ઘરે આવેલી મહિલાએ પરીવારને વાત કરી ફરીયાદ નોંધાવતા ગાંધીગ્રામ પોલીસે મહિલાની ફરીયાદ ઉપરથી ગુનો નોંધી આરોપીની શોધખોળ શરુ કરી હતી. દરમ્યાન એસઓજીના પીઆઈ એસ એમ જાડેજા સહીતની ટીમ પેટ્રોલિંગમાં હતી ત્યારે પીએસઆઈ વી કે ઝાલા, એએસઆઈ સિધ્ધરાજસિંહ જાડેજા, રાજેશભાઈ બાળાને મળેલી બાતમી આધારે વાછકપર બેડી ગામેથી હરેશ ઉર્ફે ભુરો મોતી જાદવની અટકાયત કરી તેની તલાસી લેતા તેની પાસેથી દેશી બનાવટની પિસ્ટલ, 3 જીવતા કાર્ટીસ અને એક ફૂટેલી કાર્ટીસ મળી આવતા તેની ધરપકડ કરી હથિયાર, કાર્ટીસ, એક્સેસ સહીત 45,300 રૂપિયાનો મુદામાલ કબ્જે કરી આ હથીયાર કયાથી લાવ્યો હતો તે સહીતની પુછતાછ હાથ ધરી છે હથીયાર સાથે પકડાયેલા હરેશ સામે લુંટ, દારૂ, મારામારી સહીતના 9 ગુના નોંધાઈ ચુક્યા છે.
