મહાકુંભ 2025: ઝાંસીથી પ્રયાગરાજ જઇ રહેલી ટ્રેન પર અસામાજિક તત્વોએ કર્યો પથ્થરમારો, તોડ્યાં કાચ, યાત્રિકો ગભરાયાં

આ ઘટના ઝાંસી ડિવિઝનના હરપાલપુર સ્ટેશન પર બની હતી. એવું કહેવામાં આવી રહ્યું છે કે ટોળાએ ટ્રેન પર એટલી ખતરનાક રીતે હુમલો કર્યો કે ડબ્બામાં બેઠેલા મુસાફરો ગભરાઈ ગયા. આ હુમલાને લગતા ઘણા વીડિયો સોશિયલ મીડિયા પર વાયરલ થઈ રહ્યા છે. વીડિયોમાં જોઈ શકાય છે કે ભીડમાંથી ઘણા લોકો ટ્રેનની બોગી પર પથ્થરમારો કરી રહ્યા છે.

કહેવામાં આવી રહ્યું છે કે ભીડ ટ્રેનની અંદર ઘૂસવાનો પ્રયત્ન કર્યોરહી હતી, પરંતુ જ્યારે લોકો અંદર નથી ઘૂસી શક્યા તો તેમણે ડબ્બાના  ગેટ અને બારીઓ તોડી નાખી જણાવી દઈએ કે કાલે મૌની અમાસના કારણે રેકોર્ડ તોડ ભીડ આવવાની આશા છે. આજથી જ લાખો શ્રધ્ધાળુઓ પ્રયાગરાજ પહોંચી રહ્યા છે.

જુઓ પથ્થરમારાની ઘટનાનો વિડીયો

ઘટના સામે આવ્યા બાદ આખા વિસ્તારમાં ભયનો માહોલ છવાઈ ગયો હતો. પ્રયાગરાજ જતી ટ્રેન પર ભીડના આ હુમલાથી રેલવે સુરક્ષાની સતર્કતા પર સવાલો ઉભા થઈ રહ્યા છે.  જણાવી દઈએ કે મહાકુંભને જોતા ઉત્તર પ્રદેશ વહીવટ તંત્રએ આખા પ્રયાગરાજમાં કડક સુરક્ષા વ્યવસ્થા કરેલી છે. કુંભ નગરીમાં જગ્યાએ-જગ્યાએ પોલીસ કર્મીઓની સાથે-સાથે વહીવટી અધિકારીઓ અને કર્મચારીઓને પણ તૈનાત કરવામાં આવ્યા છે.