ખાસ-ખબર સંવાદદાતા
ગીર જંગલમાં વસવાટ કરતા સિંહનાં અનેક વિડિયો સોશિયલ મિડિયા પર વાયરલ થઇ રહ્યાં છે.ત્યારે વધુ એક વિડિયો સોશિયલ મિડિયા પર વાયરલ થયો છે.જેમાં એક સિંહ મકાનની અગાસી ઉપર આંટા મારી રહ્યો છે. તેમજ અગાસી ઉપરથી નીચે ઉતરી રહ્યો છે. હાલ આ વિડિયો સોશિયલ મિડિયા પર ચાલી રહ્યો છે. જોકે આ વિડિયો કયાં વિસ્તારનો છે તેનો કોઇ જાણ થઇ નથી. તેમજ હાલ ચોમાસાની સિઝન ચાલી રહી છે.
જંગલ વિસ્તારમાં વધુ વરસાદ થયો છે. ચોમાસાની સિઝનમાં વન્ય પ્રાણીઓને મચ્છરથી વધુ ખલેલ પહોંચતી હોય છે.ત્યારે મચ્છરનો ઓછો ઉપદ્રવ હોય તેવો વિસ્તારમાં વન્ય પ્રાણીઓ પસંદ કરતા હોય છે. ચોમાસાની સિઝનમાં વન્ય પ્રાણીઓ જંગલ બોર્ડનાં ગામડાઓમાં વધુ જોવા મળે છે.
