ખાસ-ખબર ન્યૂઝ જૂનાગઢ, તા.4
ગુજરાત સરકારના રમતગમત, યુવા વિભાગ અને જિલ્લા યુવા અને સાંસ્કૃત્તિક સંચલિત શ્રીમતી આર.જે.કનેરીયા ગર્લ્સ હાઈસ્કૂલના સહયોગથી ઝોન કક્ષા કલા મહાકુંભ 2024-25 સ્પર્ધાનું આયોજન કરવામાં આવ્યું હતુ. જેમાં ઝોન નં. 5 ની વિવિધ શાળાઓના વિદ્યાર્થીઓએ, યુવક-યુવતિઓએ વક્તૃત્વ, નિબંધ લેખન, ચિત્રકલા, ભરતનાટ્યમ ,એકપાત્રીય અભિનય, લોકનૃત્ય, રાસ, ગરબા, સુગમ સંગીત, લગ્નગીત, સમુહગીત, લોકગીત/ભજન, તબલા, હાર્મોનીયમ સ્પર્ધામાં ભાગ લીધો હતો.
આ સ્પર્ધાનું ઉદ્દઘાટન ધારાસભ્ય સંજય કોરડીયા ,પટેલ કેળવણી મંડળના પ્રમુખ સી.એ. સવજીભાઈ મેનપરા, જોઈન્ટ મેનેજીંગ ટ્રસ્ટી રતીભાઈ મારડીયા ,કેમ્પસ ડાયરેક્ટર ર્ડા. ડી.એ. ડઢાણીયા,એમ.એમ.ઘોડાસરા મહિલા કોલેજના પ્રિન્સિપાલ ર્ડા. ડઢાણીયા, કારોબારી સભ્ય દલસાણીયા, છાત્રાલય કેમ્પસ ડાયરેક્ટર એમ.ડી.વાછાણી, જિલ્લા યુવા વિકાસ અધિકારી નીતાબેન વાળા, જિલ્લા રમત વિકાસ અધિકારી ભુષણભાઈ યાદવ, કનેરીયા સ્કૂલના પ્રિન્સીપાલ હસમુખાબેન મારવણીયા ઉપસ્થીત રહી, સ્પર્ધકોને પ્રોત્સાહન પૂરુ પાડ્યુ હતું. આ સ્પર્ધાને સફળ બનાવવા રસીકભાઈ કનેરીયાએ ક્ધવીનર તરીકેની કામગીરી કરેલ હતી.
