જસપ્રીત બુમરાહ આજે રોયલ ચેલેન્જર્સ બેંગ્લોર સામે રમશે

મુંબઈ ચારમાંથી ત્રણ મેચ હારી, હાલ પોઈન્ટ ટેબલ પર સાતમા ક્રમે : બુમરાહ છેલ્લે બોર્ડર ગાવસ્કર ટ્રોફી વખતે ઇજાગ્રસ્ત થયો હતો

ઓસ્ટ્રેલિયા પ્રવાસ દરમિયાન બુમરાહને પીઠમાં ઈજા થઈ હોવાથી શરૂઆતની મેચો પણ રમી શક્યો ન હતો

ફાસ્ટ બોલર જસપ્રીત બુમરાહ આજે રોયલ ચેલેન્જર્સ બેંગ્લોર (RCB) સામે રમશે. મુંબઈ ઈન્ડિયન્સ (MI)ના કોચ મહેલા જયવર્ધનેએ મેચ પહેલાની પ્રેસ કોન્ફરન્સમાં આ વાતની પુષ્ટિ કરી છે. તેમણે કહ્યું કે, બુમરાહ આજે મેચ માટે ઉપલબ્ધ છે. તેણે ગઈકાલે પણ નેટ પ્રેક્ટિસ કરી હતી. બુમરાહે નેશનલ ક્રિકેટ એકેડેમીમાં ખૂબ જ મહેનત કરી છે. અમારા ફિઝિયો હવે તેની સંભાળ રાખશે.

ગયા વર્ષે ડિસેમ્બરમાં ઓસ્ટ્રેલિયા પ્રવાસ દરમિયાન બુમરાહને પીઠમાં ઈજા થઈ હતી, જેના કારણે તે ચેમ્પિયન્સ ટ્રોફીની શરૂઆતની મેચો રમી શક્યો ન હતો. બુમરાહ અંગે, મુંબઈ ઈન્ડિયન્સે રવિવારે તેમના સોશિયલ મીડિયા એકાઉન્ટ પર તેની વાપસીની માહિતી આપી. તે જ સમયે, લખનૌ સુપર જાયન્ટ્સના ફાસ્ટ બોલર મયંક યાદવ પણ આગામી મેચોમાં વાપસી કરી શકે છે. ઈજાને કારણે તે શરૂઆતની મેચો પણ રમી શક્યો ન હતો. બોર્ડર-ગાવસ્કર ટ્રોફી દરમિયાન ફાસ્ટ બોલર બુમરાહ ઘાયલ થયો હતો. બુમરાહ પણ કમરના નીચેના ભાગમાં થયેલી ઈજાને કારણે ચેમ્પિયન્સ ટ્રોફીમાંથી બહાર થઈ ગયો હતો. તે છેલ્લા કેટલાક દિવસોથી બેંગલુરુમાં BCCI સેન્ટર ઓફ એક્સેલન્સ (COE) ખાતે પુનર્વસન હેઠળ હતો.

મુંબઈએ IPLની પહેલી 4 માંથી 3 મેચ હારી છે. આ સિઝનની પહેલી લીગ મેચમાં ચેન્નાઈએ મુંબઈને 4 વિકેટે હરાવ્યું હતું. બીજી મેચમાં, તેઓ ગુજરાત સામે 36 રનથી હારી ગયા. ત્રીજી મેચમાં, મુંબઈએ પોતાના ઘરઆંગણે વાપસી કરી અને કોલકાતાને 8 વિકેટથી હરાવવામાં સફળ રહી. ચોથી મેચમાં, લખનૌ સામે 12 રને ભારે મેચમાં તેનો પરાજય થયો. મુંબઈના 4 મેચમાં 2 પોઈન્ટ છે અને આ ટીમ હાલમાં પોઈન્ટમાં 7મા સ્થાને છે.