જયશંકર પુતિનને મળ્યા, SCO સમિટમાં આતંકવાદ પર ઝીરો ટોલરન્સની હાકલ કરી

વિદેશ મંત્રી એસ. જયશંકરે મંગળવારે શાંઘાઈ કોઓપરેશન ઓર્ગેનાઇઝેશન (SCO) સભ્ય દેશોના પ્રતિનિધિમંડળોના વડાઓ સાથે રશિયન રાષ્ટ્રપ્રમુખ વ્લાદિમીર પુતિન સાથે મુલાકાત કરી. જયશંકર SCO કાઉન્સિલ ઓફ હેડ્સ ઓફ સ્ટેટ મીટિંગમાં ભાગ લેવા માટે મોસ્કો પહોંચ્યા હતા. રશિયન રાષ્ટ્રપ્રમુખ સાથેની તેમની મુલાકાત અંગે એસ. જયશંકરે સોશિયલ મીડિયા પ્લેટફોર્મ પર કહ્યું, ‘કાલે  રાષ્ટ્રપ્રમુખ પુતિન સાથે SCO પ્રતિનિધિમંડળના અન્ય વડાઓ સાથે મુલાકાત કરી હતી .’

રશિયાની મુલાકાત દરમિયાન એસ. જયશંકરે રશિયાના વડાપ્રધાન મિખાઇલ મિશુસ્તિન અને રશિયન વિદેશ મંત્રી સેર્ગેઈ લવરોવ સાથે પણ મુલાકાત કરી હતી.

SCOએ તેનો પ્રભાવ વધારવો જોઈએ: પુતિન

રશિયાના રાષ્ટ્રપ્રમુખ વ્લાદિમીર પુતિને મંગળવારે સભ્ય દેશો વચ્ચે આર્થિક વિકાસ અને સહયોગ માટે એશિયન સંગઠન તરીકે SCOની વિશ્વસનીયતા અને પ્રભાવ વધારવા હાકલ કરી હતી. રશિયાના વડાપ્રધાન મિખાઇલ મિશુસ્તિનની અધ્યક્ષતામાં બે દિવસીય બેઠક બાદ ક્રેમલિનમાં SCO સરકારના વડાઓ સાથેની બેઠક દરમિયાન પુતિને આ ટિપ્પણી કરી હતી.

મોસ્કોમાં રશિયાના વિદેશ મંત્રી સેર્ગેઈ લવરોવ સાથેની મુલાકાત દરમિયાન એસ. જયશંકરે શું કહ્યું?