મહાકુંભમાં સ્નાન કરતી મહિલાઓના પણ વિડીયો વેંચ્યા હોવાનો ઘટસ્ફોટ

CCTV  ફૂટેજ વેંચવાનું આંતરરાષ્ટ્રીય કૌભાંડ

પ્રયાગરાજના યુટ્યૂબરે રાજકોટ સહિતના શહેરોની 70 જેટલી હૉસ્પિટલના CCTV હેક કર્યા: આરોપીઓ કોર્ટમાં રજૂ, 14 દિવસના રિમાન્ડની માગ

ખાસ-ખબર ન્યૂઝ અમદાવાદ

અમદાવાદ સાયબર ક્રાઇમના ડીસીપી લવીના સિંહાએ મીડિયાને જણાવ્યું હતું કે, પ્રયાગરાજના યુટ્યૂબરના મોબાઈલમાંથી કુંભમાં નહાતી મહિલાઓના વીડિયો અપલોડ થયા છે. અમદાવાદ ક્રાઇમ બ્રાન્ચે મહિલાઓના ચેકઅપ સમયના આપત્તિજનક સીસીટીવી ફૂટેજ વેચવાના કૃત્ય કરનાર ત્રણેય નરાધમો પ્રજવલ અશોક તૈલી, ચંદ્રપ્રકાશ ફુલચંદ, પ્રજ રાજેંદ્ર પાટીલને ઝડપી પાડ્યા છે. તપાસમાં ત્રણેયે મહાકુંભમાં સ્નાન કરતી મહિલાઓના પણ વીડિયો વેચ્યા હોવાનો ખુલાસો થયો છે. સાથે દેશની 60-70 હોસ્પિટલના ઈઈઝટ પણ હેક કર્યા હોવાનો ખુલાસો થયો છે. વધુ તપાસ માટે આરોપીઓને રિમાન્ડ અર્થે મેટ્રો કોર્ટમાં લાવવામાં આવ્યા છે અને 14 દિવસના રિમાન્ડની માગ કરવામાં આવી છે. અમદાવાદ ક્રાઇમ બ્રાન્ચે મહિલાઓના ચેકઅપ સમયના આપત્તિજનક સીસીટીવી ફૂટેજ વેચવાના કૃત્ય કરનાર ત્રણેય નરાધમોને ઝડપી પાડવામાં આવ્યા છે. તપાસમાં ત્રણેયે મહાકુંભમાં સ્નાન કરતી મહિલાઓના પણ વીડિયો વેચ્યા હોવાનો ખુલાસો થયો છે. આ ત્રણેય આરોપી યુટ્યૂબ અને ટેલિગ્રામ ચેનલમાં આ પ્રકારના વીડિયો વેચતા હતા. આ માટે તેઓ લોકો પાસેથી મોટી રકમ લેતા હોવાની વિગતો પણ અમદાવાદ સાયબર ક્રાઈમ બ્રાન્ચ પાસે આવી છે. બીજી તરફ રાજકોટની પાયલ હોસ્પિટલમાંથી સીસીટીવી આઇપીના આધારે હેક થયા હોવાની પણ સ્પષ્ટતા અમદાવાદ સાયબર ક્રાઇમ પાસેથી થઈ રહી છે.

CCTV રોમાનિયા અને એટલાન્ટાથી હૅક થયા હતા
રાજકોટની પાયલ મેટરનિટી હોસ્પિટલના સીસીટીવી ફૂટેજ યુ ટ્યુબ પર પોસ્ટ કરવાની સાથે ટેલીગ્રામ ચેનલ દ્વારા દેશની અલગ અલગ હોસ્પિટલોના સીસીટીવી ફૂટેજ વેચાણ કરવાના કૌભાંડમાં મહારાષ્ટ્રથી ઝડપાયેલા પ્રજવલ તૈલી, પ્રજ પાટીલ અને ચંદ્ર પ્રકાશ નામની યુવકોની પૂછપરછ અને તેમની પાસેથી મળી આવેલા મોબાઇલ ફોન, હાર્ડ ડીસ્ક અને અન્ય ગેટેઝ્સની તપાસ કરતા પોલીસને 80થી વઘુ હોસ્પિટલના સીસીટીવી ફૂટેજ મળી આવ્યા હતા. જ્યારે દેેશના અન્ય શહેરોના શોપિંગ મોલ, જાહેર સ્થળોના સીસીટીવી પણ મળી આવ્યા છે. પોલીસને આરોપીઓ પાસેથી અનેક નાણાંકીય વ્યવહારના પુરાવા પણ મળી આવ્યા છે. સાથે-સાથે પોલીસને રોમાનિયા અને એટલાન્ટાની આઇપી એડ્રેસ પણ મળી આવ્યા છે. ત્યારે ક્રાઇમબ્રાંચ અને સાયબર ક્રાઇમની અલગ અલગ ટીમ બનાવીને તમામ પાસાંને ધ્યાનમાં રાખીને તપાસ શરૂ કરાઇ છે. આ સાથે અન્ય રાજ્યની પોલીસ સાથે સંકલન કરવામાં આવી રહ્યું છે. જેના આધારે પોલીસને મહત્ત્વની કડી મળી શકે છે.