પોરબંદરના SP જાડેજા દ્વારા ઘેડ પંથકના પૂરગ્રસ્ત ગામોનું નિરીક્ષણ

ખાસ-ખબર ન્યૂઝ પોરબંદર, તા.4

પોરબંદરના પોલીસ અધિક્ષક ભગીરથસિંહ જાડેજા તથા કુતિયાણા પોલીસ સ્ટેશનના પી.એસ.આઈ. કે.એન. ઠાકરીયા તથા સ્ટાફે ઘેડ પંથકના પૂરગ્રસ્ત ગામોની મુલાકાત લીધી હતી. પૂરના કારણે પ્રભાવિત ગામોના લોકો સાથે મુલાકાત કરી, તેમની સમસ્યાઓ સાંભળી અને જરૂરી માર્ગદર્શન આપ્યું.જાડેજા અને તેમની ટીમે સ્થાનિકોને સાવચેત રહેવા અને પૂર સમયમાં સુરક્ષિત રહેવા માટે જરૂરી પગલાં લેવા જણાવ્યું.

આ દૈનિક મુલાકાતનો ઉદ્દેશ પૂર પીડિતોને મદદરૂપ થવાનો હતો અને તેમની જરુરિયાતોને પહોંચી વળવાની હતી.જાડેજાએ ગામલોકોને આશ્વાસન આપ્યું કે કોઈ પણ તંગી કે મુશ્કેલીના સમયમાં તેઓ તુરંત કુતિયાણા પોલીસનો સંપર્ક સાધી શકે છે. જાડેજા અને તેમની ટીમે ગ્રામીણ વિસ્તારોમાં જઈને લોકોને મદદરૂપ થવાની તેમજ સુરક્ષિત રાખવાની કવાયત કરી હતી.આ પરીસ્પર્શમાં, સ્થાનિક પ્રશાસન દ્વારા પણ પૂર પીડિતોને મદદરૂપ થવા માટે વિવિધ વ્યવસ્થાઓ હાથ ધરવામાં આવી રહી છે. ગ્રામજનોને પૂર દરમિયાન અને ત્યારબાદ કેવી રીતે સલામત રહેવું તે અંગે વિસ્તૃત માહિતી આપી હતી.