ઈસ્લામિક દેશોના સંગઠનને ભારતની ચેતવણી ‘કાશ્મીર અમારું’

તેના સીમાંકન પર પાકિસ્તાની પ્રચાર ન ફેલાવો
 ભારતે સંગઠને કહ્યું, તમારે કોઈ એક દેશના ઈશારે પોતાનો સાંપ્રદાયિક એજન્ડા ફેલાવવાથી બચવું જોઈએ
ખાસ-ખબર સંવાદદાતા
જમ્મુ અને કાશ્મીરમાં સીમાંકન અંગે ઓર્ગેનાઈઝેશન ઓફ ઈસ્લામિક કોઓપરેશન (ઘઈંઈ)ની ટિપ્પણી સામે ભારતે વાંધો ઉઠાવ્યો છે. વિદેશ મંત્રાલયના પ્રવક્તા અરિંદમ બાગચીએ સોમવારે કહ્યું – અમે નિરાશ છીએ કે ઘઈંઈ સચિવાલયે ફરી એકવાર ભારતની આંતરિક બાબતો પર અયોગ્ય ટિપ્પણી કરી છે. જમ્મુ અને કાશ્મીર આપણું અભિન્ન અંગ અને અવિભાજ્ય અંગ છે.
પાકિસ્તાનનું નામ લીધા વિના ભારતે કહ્યું કે આ સંગઠને કોઈ એક દેશના ઈશારે પોતાનો સાંપ્રદાયિક એજન્ડા ફેલાવવાથી બચવું જોઈએ.
હકીકતમાં, ઘઈંઈ એ જમ્મુ અને કાશ્મીરમાં સીમાંકન માટે ભારતની ટીકા કરી હતી, જેના પછી તરત જ ભારતે પ્રતિક્રિયા આપી છે.
જણાવી દઈએ કે જમ્મુ અને કાશ્મીરની વિધાનસભા અને લોકસભા સીટોના સીમાંકન પર કેન્દ્રીય પંચે મેની શરૂઆતમાં તેનો અંતિમ રિપોર્ટ સોંપ્યો હતો. ઓર્ગેનાઈઝેશન ઓફ ઈસ્લામિક કોઓપરેશન (ઘઈંઈ)નું સત્તાવાર ટ્વિટર હેન્ડલ. તેના પર જમ્મુ-કાશ્મીર પર ભારતના ગેરકાયદે કબજાને પણ જણાવવામાં આવ્યું છે.
ઓર્ગેનાઈઝેશન ઓફ ઈસ્લામિક કોઓપરેશન (ઘઈંઈ)એ સોમવારે ટ્વિટ કરીને જમ્મુ અને કાશ્મીરમાં સીમાંકન પર વાંધો ઉઠાવ્યો હતો. તેમાં જણાવ્યું હતું કે જમ્મુ અને કાશ્મીરની વસ્તી વિષયક માળખું બદલવાનો ભારતનો પ્રયાસ કાશ્મીરી લોકોના અધિકારોનું ઉલ્લંઘન છે.