અફઘાનિસ્તાન સામે 311 રનને 41.1 ઓવરમાં ચેઝ કરીને ભારત 10મી વાર ફાઈનલમાં પહોંચ્યું

ભારતે ઞ19 વર્લ્ડકપના ઇતિહાસનો સૌથી મોટો રન ચેઝ કર્યો

આરોન જ્યોર્જની સદી, વૈભવ-મ્હાત્રેની ફિફ્ટી

ખાસ-ખબર ન્યૂઝ નવી દિલ્હી

ભારતે 10મી વખત ઞ-19 વર્લ્ડ કપની ફાઈનલમાં જગ્યા બનાવી લીધી છે. બુધવારે ટીમે બીજી સેમિફાઈનલમાં અફઘાનિસ્તાનને 7 વિકેટે હરાવ્યું. 6 ફેબ્રુઆરીએ ટીમ ઈન્ડિયાની ફાઈનલ મેચ ઇંગ્લેન્ડ સામે થશે.
હરારે સ્પોર્ટ્સ ક્લબમાં ટોસ જીતીને પ્રથમ બેટિંગ કરતા અફઘાનિસ્તાને 50 ઓવરમાં 4 વિકેટ ગુમાવીને 310 રન બનાવ્યા હતા. ટીમ તરફથી ફૈઝલ શિનોઝાદા (110 રન) અને ઉઝૈરુલ્લાહ નિયાઝઈ (અણનમ 101 રન)એ સેન્ચુરીની ઇનિંગ્સ રમી હતી. ભારત તરફથી દીપેશ દેવેન્દ્રન અને કનિષ્ક ચૌહાણે બે-બે વિકેટ ઝડપી હતી.
311 રનના ટાર્ગેટના જવાબમાં, ભારતીય ટીમે ઓપનર આરોન જ્યોર્જ (115 રન)ની સદીની મદદથી 41.1 ઓવરમાં 3 વિકેટ ગુમાવીને જીત ચેઝ કરી લીધી. ટીમ તરફથી વૈભવ સૂર્યવંશી (68 રન) અને કેપ્ટન આયુષ મ્હાત્રે (62 રન)એ ફિફ્ટી ફટકારી હતી. ભારતે ટુર્નામેન્ટના ઇતિહાસમાં આ સૌથી મોટો રન ચેઝ કર્યો છે. એટલું જ નહીં, ભારતે યુથ વન-ડેમાં આ સૌથી મોટો ટાર્ગેટ ચેઝ કર્યો છે. આ મેચ કુલ 620 રન બન્યા, જે ભારત અને અફઘાનિસ્તાનની ટીમ વચ્ચે યુથ વન-ડે મેચમાં સૌથી વધુ છે. અગાઉનો રેકોર્ડ 521 રનનો હતો, જે 5 વર્ષ પહેલાં 27 ડિસેમ્બર 2021ના રોજ ઈંઈઈના દુબઈ મેદાન પર બન્યો હતો.

વોર્મ-અપ મેચ: ભારતે સાઉથ આફ્રિકાને 30 રને હરાવ્યું; ઈશાન કિશનની તોફાની ફિફ્ટી

ઝ20 વર્લ્ડ કપ પહેલા ટીમ ઈન્ડિયા ફુલ ફોર્મમાં; અભિષેક શર્માએ બે વિકેટ ઝડપી

ઝ20 વર્લ્ડ કપની તૈયારીઓના ભાગરૂપે રમાયેલી વોર્મ-અપ મેચમાં ભારતે સાઉથ આફ્રિકા સામે 30 રને શાનદાર જીત મેળવી છે. પ્રથમ બેટિંગ કરતા ભારતીય બેટરોએ મેદાનમાં ચોગ્ગા-છગ્ગાની રમઝટ બોલાવી હતી. ઈશાન કિશને માત્ર 20 બોલમાં 7 છગ્ગાની મદદથી 53 રન ફટકારી જીતનો પાયો નાખ્યો હતો. આ ઉપરાંત તિલક વર્માએ 45, અક્ષર પટેલે અણનમ 35 અને હાર્દિક પંડ્યાએ 10 બોલમાં આક્રમક 30 રનનું યોગદાન આપ્યું હતું. 241 રનના વિશાળ લક્ષ્યનો પીછો કરવા ઉતરેલી સાઉથ આફ્રિકાની ટીમ 210 રન બનાવી શકી હતી. આફ્રિકા તરફથી ટ્રિસ્ટન સ્ટબ્સે અણનમ 45 અને રયાન રિકલ્ટને 44 રન બનાવ્યા હતા, પરંતુ ભારતીય બોલરો સામે તેઓ લક્ષ્ય સુધી પહોંચી શક્યા ન હતા. ભારત તરફથી બોલિંગમાં અભિષેક શર્માએ 2 વિકેટ ઝડપી હતી, જ્યારે અર્શદીપ સિંહ, શિવમ દુબે, વરુણ ચક્રવર્તી અને અક્ષર પટેલને 1-1 વિકેટ મળી હતી. વર્લ્ડ કપ પહેલા ભારતીય ખેલાડીઓનું આ આક્રમક પ્રદર્શન ચાહકોમાં ઉત્સાહ જગાવી રહ્યું છે.