IND vs NZ: ચેમ્પિયન્સ ટ્રોફી 2025ની ફાઈનલમાં ભારતની ન્યુઝીલેન્ડ સામે ભવ્ય જીત, તૂટ્યા અનેક વર્લ્ડ રેકોર્ડ

ભારતે ચેમ્પિયન્સ ટ્રોફી 2025નો ખિતાબ જીતી ઈતિહાસ રચી દીધો છે. રોહિત શર્માની કેપ્ટનસીમાં ટીમ ઇન્ડિયાએ ન્યૂઝીલેન્ડ વિરુદ્ધ ફાઇનલમાં અદ્ભૂત પ્રદર્શન કર્યું

ભારતે ચેમ્પિયન્સ ટ્રોફી 2025નો ખિતાબ જીત્યો છે. રવિવારે દુબઈમાં રમાયેલી ફાઇનલ મેચમાં ટીમ ઇન્ડિયાએ ન્યુઝીલેન્ડને હરાવ્યું. રોહિત શર્માના નેતૃત્વ હેઠળની ટીમ ઈન્ડિયાને જીત માટે 252 રનનો લક્ષ્યાંક આપવામાં આવ્યો હતો. જવાબમાં, તેમણે 49 ઓવરમાં જીત મેળવી. ભારતનો આ વિજય ઐતિહાસિક હતો. ટીમ ઈન્ડિયાએ ફાઈનલ મેચમાં ઘણા વર્લ્ડ રેકોર્ડ તોડ્યા.

દુબઈ ઈન્ટરનેશનલ ક્રિકેટ સ્ટેડિયમમાં ટીમ ઈન્ડિયાએ જીતનો અનોખો રેકોર્ડ બનાવ્યો. ભારતીય ટીમ એક પણ સ્થળે હાર્યા વિના સતત સૌથી વધુ મેચ જીતવાની બાબતમાં ટોચ પર પહોંચી ગઈ છે. તેણે અહીં સતત કુલ 10 મેચ જીતી છે. જો આપણે છેલ્લા ૧૧ મેચોની વાત કરીએ તો એક મેચ ટાઇ રહી હતી. જોકે, ન્યુઝીલેન્ડ પણ સંયુક્ત રીતે નંબર વન પર છે. તેણે ડ્યુનેડિનમાં 10 મેચ જીતી છે. ભારતે ઇન્દોરમાં સતત 7 મેચ જીતી છે.

ભારતે ઓસ્ટ્રેલિયાની બરાબરી કરી, હજુ એક ડગલું આગળ –

ચેમ્પિયન્સ ટ્રોફીનો સૌથી વધુ વખત ખિતાબ જીતવાના મામલે ટીમ ઈન્ડિયાએ ઓસ્ટ્રેલિયાની બરાબરી કરી લીધી છે. ભારત અને ઓસ્ટ્રેલિયાએ બે-બે વાર આ ખિતાબ જીત્યો છે. ભારતે 2013 અને 2025માં ચેમ્પિયન્સ ટ્રોફીનો ખિતાબ જીત્યો હતો. જ્યારે ઓસ્ટ્રેલિયાએ 2006 અને 2009 માં ટાઇટલ જીત્યું હતું. જોકે, ભારત 2002 માં સંયુક્ત વિજેતા બન્યું હતું. તેથી, તે ઓસ્ટ્રેલિયાથી એક ડગલું આગળ છે.

ભારત-ન્યૂઝીલેન્ડ ફાઇનલમાં સ્પિનરોએ વિશ્વ રેકોર્ડ તોડ્યો –

દુબઈમાં સ્પિનરોનો જાદુ જોવા મળ્યો. આ મેચમાં સ્પિનરોએ એક મોટો વિશ્વ રેકોર્ડ તોડ્યો. આ સ્પિનરોએ ICC ટુર્નામેન્ટમાં એક ODI મેચમાં સૌથી વધુ ઓવર ફેંકવાનો રેકોર્ડ બનાવ્યો છે. ભારત અને ન્યુઝીલેન્ડ વચ્ચે રમાયેલી મેચમાં સ્પિનરોએ કુલ 73 ઓવર ફેંકી છે. આ પહેલા, ચેમ્પિયન્સ ટ્રોફી 2025 ની સેમિફાઇનલમાં, સ્પિનરો દ્વારા 65.1 ઓવર ફેંકવામાં આવી હતી. આ મેચ ભારત અને ઓસ્ટ્રેલિયા વચ્ચે રમાઈ હતી.