સ્વાતિ માલીવાલ કેસમાં દિલ્હી પોલીસે CM આવાસ જઇને ક્રાઇમ સીન કર્યો રીક્રિએટ

સ્વાતિ માલીવાલ પર હુમલાના મામલામાં દિલ્હી પોલીસ CM હાઉસ પહોંચી અને સીન રીક્રિએટ કર્યો, કેટલાક CCTV કેમેરાના ફીડને પેન ડ્રાઈવમાં ટ્રાન્સફર કર્યા, આજે પણ પોલીસ તપાસ માટે જઈ શકે છે CM હાઉસ

સ્વાતિ માલીવાલ પોલીસ સાથે CM આવાસ પર પહોંચી

ગઇકાલે એટલે કે શુક્રવારે સાંજે 4.40 કલાકે FSLની એક ટીમ તપાસ માટે મુખ્યમંત્રીના નિવાસસ્થાને પહોંચી હતી, જેની સાથે દિલ્હી પોલીસની ટીમ પણ હાજર હતી. લગભગ અડધા કલાક પછી એટલે કે 05:15 વાગ્યે FSL ટીમ તેની તપાસ કરીને પરત આવી. લગભગ દોઢ કલાક પછી એટલે કે 06:15 વાગ્યે FSL ટીમ તેના ભારે સાધનો સાથે પાછા મુખ્યમંત્રીના નિવાસસ્થાને પહોંચી. આ સાથે પોલીસ પણ ફરી હાજર હતી. લગભગ 8 મિનિટ પછી એટલે કે 06:23 વાગ્યે દિલ્હી પોલીસની એક ટીમ સ્વાતિ માલીવાલ સાથે મુખ્યમંત્રીના નિવાસસ્થાને પહોંચી. આ પછી લગભગ અડધા કલાક પછી 7.05 વાગ્યે સ્વાતિ માલીવાલ મુખ્યમંત્રી આવાસની બહાર આવી હતી.

દિલ્હી પોલીસ અને ફોરેન્સિકની ટીમ શુક્રવારે સાંજે CM આવાસ પર પહોંચી હતી. થોડા સમય પછી સ્વાતિ માલીવાલને ત્યાં બોલાવવામાં આવ્યા અને ક્રાઈમ સીન ફરીથી રીક્રિએટ કરવામાં આવ્યો. સ્વાતિ માલીવાલે દિલ્હી પોલીસની ટીમને જણાવ્યું કે, જ્યારે તે 13 મેના રોજ પ્રવેશી ત્યારે ત્યાં શું થયું અને ત્યાં કોણ હતું. સ્વાતિ માલીવાલ અને એડિશનલ ડીસીપી નોર્થ સીએમ હાઉસની અંદર હાજર હતા. FSL સહિતની તમામ ટીમો પણ ડ્રોઈંગ રૂમમાં હાજર હતી.

FSLની ટીમ CM હાઉસ ગઈ

દિલ્હી પોલીસે સ્વાતિ સાથે ડ્રોઈંગ રૂમનો મેપ બનાવ્યો અને સ્વાતિને પૂછ્યું કે, 13 મેના રોજ જ્યારે તેની સાથે ગેરવર્તણૂક કરવામાં આવી ત્યારે ડ્રોઈંગ રૂમમાં કેટલા લોકો હતા અને કઈ જગ્યાએ હતા. દિલ્હી પોલીસ અને FSLની ટીમ સાંજે 4:40 વાગ્યે ગઈ હતી જે દરમિયાન ઘરમાં હાજર કર્મચારીઓના નિવેદન લેવામાં આવ્યા હતા. 13 મેના રોજ CM હાઉસ ખાતે પોલીસ સુરક્ષા વડા પાસેથી CM હાઉસમાં હાજર પોલીસકર્મીઓની વિગતો માંગવામાં આવી હતી.

#WATCH | Delhi: Forensic team leaves from the residence of CM and AAP convener Arvind Kejriwal. pic.twitter.com/v6hgIovjbz

— ANI (@ANI) May 17, 2024

વિભવે મને ખરાબ રીતે માર માર્યોઃ માલીવાલ

સ્વાતિ માલીવાલે પોલીસને આપેલી ફરિયાદમાં જણાવ્યું છે કે, જ્યારે તે 13 મેના રોજ સવારે દિલ્હીના CM અરવિંદ કેજરીવાલને મળવા તેમના ઘરે પહોંચી ત્યારે તેને ડ્રોઈંગ રૂમમાં બેસાડવામાં આવી હતી. આ પછી CM કેજરીવાલના પીએસ વિભવ કુમાર તેમના પર ખરાબ હુમલો કરે છે. તેણે સ્વાતિ સાથે માત્ર ગેરવર્તણૂક જ નહીં પરંતુ તેને ખરાબ રીતે માર પણ માર્યો. જોકે આમ આદમી પાર્ટી દ્વારા આ આરોપોને સંપૂર્ણપણે ફગાવી દેવામાં આવ્યા છે.

વિભવ કુમારે પણ પોલીસમાં ફરિયાદ કરી

આ તરફ વિભવ કુમારે સ્વાતિ માલીવાલ વિરુદ્ધ દિલ્હી પોલીસમાં ફરિયાદ નોંધાવી છે. તેણે પોતાની ફરિયાદ ઈમેલ દ્વારા આપી છે. ફરિયાદમાં વિભવ કુમારે સ્વાતિ માલીવાલ પર બળજબરીથી ઘરમાં પ્રવેશ કરવાનો એટલે કે ટ્રેસ-પાસિંગ, CM સુરક્ષા સાથે ગેરવર્તન, બળજબરીથી પ્રવેશ કરીને CMની સુરક્ષા માટે ખતરો ઉભો કરવાનો આરોપ લગાવ્યો છે. વિભવ કુમારે આ ફરિયાદ ડીસીપી નોર્થ ડિસ્ટ્રિક્ટ, એસએચઓ સિવિલ લાઈન્સને ઈમેલ દ્વારા મોકલી છે.

આમ આદમી પાર્ટીના રાજ્યસભા સાંસદ સ્વાતિ માલીવાલ સાથે કથિતરૂપે મારપીટની ઘટના મામલે હવે વધુ એક વીડિયો સામે આવ્યો છે. આ વીડિયો મુખ્યમંત્રી નિવાસમાં લાગેલા સીસીટીવી કેમેરાના ફૂટેજથી લેવાયો છે. આ વીડિયો હવે જાહેર કરી દેવામાં આવ્યો છે.