રાજકોટમાં મહિલા કોંગ્રેસે ‘સસ્તી દારૂ, મહેંગા તેલ’ના સુત્રોચ્ચાર કર્યા

ખાસ-ખબર સંવાદદાતા
રાજકોટનાં પરાબજાર ખાતે મહિલા કોંગ્રેસ દ્વારા વિરોધ કરવામાં આવ્યો હતો. જેમાં તેલના ડબ્બા સાથે સીંગતેલના ભાવ વધારા સામે કોંગ્રેસી મહિલાઓએ રોષ પ્રગટ કર્યો હતો. ‘સસ્તી દારૂ મહેંગા તેલ’, ‘હાય રે ભાજપ હાય’નાં નારા લગાવી સરકાર ઉપર રોષ ઠાલવ્યો હતો. જોકે આ અંગે જાણ થતાં સ્થાનિક પોલીસ દોડી ગઈ હતી અને દેખાવો કરી રહેલી તમામની અટકાયત કરવામાં આવી હતી. રાજકોટ શહેર મહિલા કોંગ્રેસ પણ હવે મોંઘવારીને લઈને આગળ આવી છે અને વિવિધ કાર્યક્રમો યોજી રહી છે. આજે પરાબજાર નજીક દાણાપીઠ ખાતે મહિલા કોંગ્રેસનાં આગેવાનો અને કાર્યકરો મોટી સંખ્યામાં હાજર રહ્યા હતા. વિવિધ બેનરો સાથે સૂત્રોચ્ચાર કરી વિરોધ પ્રગટ કર્યો હતો. જેમાં કોંગ્રેસ ઘઇઈ વિભાગની મહિલા હોદ્દેદારો, કાર્યકર્તાઓએ વધતા જતા ખાદ્યતેલનાં ભાવ અને અનાજ કઠોળનાં ભાવ સહિતનાં મુદ્દે ઉગ્ર વિરોધ નોંધાવ્યો હતો.