વિપક્ષી ગઠબંધન I.N.D.I.A ખૂદને વિપક્ષમાં બેસવા માટે તૈયાર રાખે
ખાસ-ખબર ન્યૂઝ નવી દિલ્હી, તા.5
- Advertisement -
ગૃહમંત્રી અમિત શાહે રવિવારે ચંદીગઢમાં કહ્યું કે, ઈન્ડિયા બ્લોક ગમે તે કરે, 2029ની લોકસભા ચૂંટણીમાં માત્ર ગઉઅ જ સરકાર બનાવશે. નરેન્દ્ર મોદી ચોથી વખત વડાપ્રધાન બનશે. ઈન્ડિયા બ્લોકે ફરી એકવાર વિપક્ષમાં બેસવા માટે તૈયાર થવું જોઈએ.
શાહે કહ્યું કે, વિપક્ષ અસ્થિરતા પેદા કરવા માગે છે. તેમણે વિપક્ષમાં રહીને કેવી રીતે કામ કરવું તે શીખવું જોઈએ. વિપક્ષના લોકો વારંવાર કહે છે કે અમારી સરકાર કામ કરી રહી નથી. હું તેમને ખાતરી આપવા માગુ છું કે, એનડીએ સરકાર તેનો કાર્યકાળ પૂર્ણ કરશે અને 2029માં ફરી આવશે. ચંદીગઢમાં પાણી પુરવઠા પ્રોજેક્ટ ન્યાય સેતુ અને સ્માર્ટ સિટી મિશનનું ઉદ્ઘાટન કરતી વખતે, ગૃહમંત્રીને કહ્યું- વિપક્ષને લાગે છે કે તેઓ થોડી સફળતા સાથે ચૂંટણી જીત્યા. તેઓ નથી જાણતા કે આ ચૂંટણીમાં ભાજપને ત્રણ ચૂંટણીમાં કોંગ્રેસને મળી તેના કરતા વધુ બેઠકો મળી છે. શાહે વધુમાં કહ્યું કે, વડાપ્રધાન બન્યા બાદથી મોદીજી સ્માર્ટ સિટી પર ફોકસ કરી રહ્યા છે અને ચંદીગઢ આ યાદીમાં પ્રથમ સ્થાને છે. અત્યાર સુધીમાં એક લાખ કરોડ રૂપિયાનો ખર્ચ કરવામાં આવ્યો છે. દેશના 74 ટકા ઘરોમાં પીવાનું શુદ્ધ પાણી પહોંચાડવાનું મિશન પૂર્ણ થઈ ગયું છે. પાણીજન્ય રોગોમાં નોંધપાત્ર ઘટાડો થયો છે.
મોદીજીનો ત્રીજો કાર્યકાળ પૂરો થાય તે પહેલા દેશના દરેક ઘરમાં સ્વચ્છ પાણી પહોંચાડવાનું કામ પૂર્ણ થઈ જશે. ન્યાય સેતુ પ્રોજેક્ટના મહત્વ અંગે શાહે કહ્યું- આ વિસ્તારના લોકોને 24/7 ફિલ્ટર-સ્વચ્છ પાણી પૂરું પાડવામાં આવશે. આ પ્રોજેક્ટ લગભગ 125 એકરમાં ફેલાયેલો છે.બપોરે ગૃહમંત્રી શાહે ચંદીગઢમાં જ ઈ-એવિડન્સ, ન્યાય સેતુ, ન્યાય શ્રુતિ અને ઈ-સમન સિસ્ટમનું પણ ઉદ્ઘાટન કર્યું હતું. અહીં તેમણે કહ્યું કે, ત્રણ નવા ફોજદારી કાયદાનો હેતુ ન્યાય આપવાનો છે સજા આપવાનો નથી.તેમણે કહ્યું કે મોદી સરકારના શાસનમાં છેલ્લા 10 વર્ષમાં જે પણ સુધારા થયા છે, જો કોઈ સુધારો 10 વર્ષ પછીનો સૌથી મોટો સુધારો સાબિત થાય છે, તો તે ત્રણ ફોજદારી કાયદાઓનો અમલ કરવો પડશે.ગૃહમંત્રીએ કહ્યું કે, કોઈ દેશને સ્વતંત્ર કેવી રીતે માની શકાય, જો તેની ફોજદારી ન્યાય પ્રણાલી તે જ હોય જે અન્ય દેશની સંસદે પસાર કરી હતી જ્યારે તે સ્વતંત્ર ન હતો?
