સગીર ડ્રાઇવિંગ કરતા પકડાશે તો રૂ. 25,000 સુધીનો દંડ

1 જૂનથી બદલાઈ જશે વાહન ચલાવવાના નિયમ

આ ઉપરાંત લાઇસન્સ રદ થઈ જશે અને તમને 25 વર્ષ સુધી નવું લાઇસન્સ મળશે નહીં

હવે RTOની સાથે સરકાર દ્વારા માન્યતા પ્રાપ્ત વિશેષ ખાનગી સંસ્થાઓમાં ડ્રાઇવિંગ લાઇસન્સ ટેસ્ટ પણ આપી શકાશે

ખાસ-ખબર ન્યૂઝ નવી દિલ્હી, તા.24

આજના સમયમાં કાર કે બાઇક ચલાવવું સામાન્ય બની ગયું છે. દરેક વ્યક્તિ પોતાની જરૂરિયાત કે શોખ મુજબ સ્કૂટર, બાઇક વગેરે દ્વારા મુસાફરી કરે છે પરંતુ 1 જૂનથી નવા ડ્રાઇવિંગ લાઇસન્સ નિયમો 2024 લાગુ થઈ રહ્યા છે. જો તમે આ નિયમોનું ઉલ્લંઘન કરો છો તો તમારે ભારે દંડ ભરવો પડી શકે છે. તેનાથી તમારી સમસ્યાઓ વધી શકે છે.

1 જૂન, 2024થી છઝઘ નવા વાહન નિયમો જાહેર કરશે. જેમાં 18 વર્ષથી ઓછી ઉંમરના લોકો જો વધુ ઝડપે વાહન ચલાવે છે તેમને રૂ. 25,000 સુધીનો દંડ ભરવો પડી શકે છે.

જો તમે ડ્રાઇવિંગ લાઇસન્સ માટે અરજી કરવાનું વિચારી રહ્યા છો પરંતુ RTOમાં ટેસ્ટ આપવાથી ડરતા હોવ તો તમારા માટે સારા સમાચાર છે. સરકાર હવે આ પ્રક્રિયાને સરળ બનાવી રહી છે. ધારો કે તમે ડ્રાઇવિંગ શીખીને લાયસન્સ મેળવવા માંગો છો, પરંતુ ટેસ્ટ આપવામાં ખચકાટ અનુભવો છો. તો હવે તમારે માત્ર છઝઘમાં જ ટેસ્ટ આપવાનો રહેશે નહીં. 1 જૂનથી, તમે સરકાર દ્વારા માન્યતા પ્રાપ્ત વિશેષ ખાનગી સંસ્થાઓમાં ડ્રાઇવિંગ લાઇસન્સ ટેસ્ટ પણ આપી શકો છો. જો કોઈ વ્યક્તિ 18 વર્ષની થઈ ગઈ હોય તો તે તેનું ડ્રાઈવિંગ લાઇસન્સ મેળવી શકે છે. પરંતુ 50 સીસીની ક્ષમતાવાળી મોટરસાઇકલનું લાયસન્સ 16 વર્ષની ઉંમરે પણ મેળવી શકાય છે. જો કે, આ લાઇસન્સ 18 વર્ષ થયા પછી અપડેટ કરવાનું રહેશે.

ડ્રાઇવિંગ લાયસન્સની વેલિડિટી લાઇસન્સ મળ્યાની તારીખથી 20 વર્ષ છે. 50 વર્ષની ઉંમર પછી દર 5 વર્ષ પછી લાઇસન્સ અપડેટ કરવાનું રહેશે.
તમારા ડ્રાઇવિંગ લાયસન્સની વેલિડિટી પૂરી થાય ત્યારે અથવા તે જ દિવસે રિન્યુ કરાવવું જરૂરી છે. આ માટે નજીકના સ્થાનિક આરટીઓ (ઝોનલ ઓફિસ)માં જવું પડશે સામાન્ય રીતે બે પ્રકારના ડ્રાઇવિંગ લાયસન્સ હોય છે

ખાનગી: જો તમે ખાનગી કાર ચલાવો છો તો આ લાઇસન્સ તમારા માટે છે. તેને બનાવ્યા પછી, તેને 20 વર્ષ સુધી અથવા તમે 50 (જે વહેલું હોય) ના થાય ત્યાં સુધી તેને રિન્યૂ કરવાની જરૂર નથી.

કોમર્શિયલ: આ લાયસન્સ એવા લોકો માટે છે જેઓ ટેક્સી, ટ્રક વગેરે જેવા કોમર્શિયલ વાહનો ચલાવે છે. તેને દર ત્રણ વર્ષે રિન્યુ કરાવવું પડે છે.
જો તમારી પાસે કોમર્શિયલ લાયસન્સ છે અથવા તમારી ઉંમર 40 વર્ષથી વધુ છે, તો લાયસન્સ રિન્યુ કરાવતી વખતે, તમારે ડોક્ટર દ્વારા આરોગ્ય તપાસ કરાવીને મેડિકલ સર્ટિફિકેટ સબમિટ કરવું પડશે.

1 જૂનથી નવા ડ્રાઇવિંગ લાઇસન્સ નિયમો
– સ્પીડમાં વાહન ચલાવવા પર: રૂ. 1000 થી 2000 સુધીનો દંડ
– સગીર દ્વારા ડ્રાઇવિંગ: રૂ. 25,000 સુધીનો દંડ
– લાયસન્સ વિના વાહન ચલાવવું: રૂ. 500નો દંડ
– હેલ્મેટ ન પહેરવા બદલ: રૂ. 100નો દંડ
– સીટ બેલ્ટ ન પહેરવા બદલ: રૂ. 100નો દંડ
– તેમજ જો તમે 18 વર્ષથી ઓછી ઉંમરના છો અને વાહન ચલાવો છો, તો તમારું લાઇસન્સ રદ થઈ જશે અને તમને 25 વર્ષ સુધી નવું લાઇસન્સ મળશે નહીં. આ સિવાય અન્ય નિયમોનું ઉલ્લંઘન કરવા પર દંડની જોગવાઈ છે.